1 အာအီဆာခါ ယီ မိုဝ်း ဂွန် အီမာယ် ဖွုန် ဝီ အီ စိူဝ် အာထုဝ်လာ၊ အာဖူဝါ၊ အာယာဆူပ် ဘော အာဆီမာရုန်။

2 အာထုဝ်လာ ပီ ဝီ မိုဝ်း ဂွန် အီမာယ် အီ စိူဝ် အာအောစီ၊ အာရေဖာယာ၊ အာယေရေလာ၊ အာယာမီ၊ အာယီဆာမ် ဘော အာဆာမူအေန်။ ဂေ တီ ဘော ဘဲန် ဂိန့် န့ဟူမ် ဂေ။ ဒေါ မုး စုဝ် ဘာန် ခုန်ဒီခမ် အာဒါဝိတ် ဂေ လှုက်လှာန် အာထုဝ်လာ ဟဲ့ တိး တူတ့် အာ မှိုန့် ဒီ အာ ဟြဲန့် ဒီ ဒဝ် မာယဝ်း ဝီ။ ဂေ မုး အီမာယ် အီ ကျ ဒီ ကာဂုဝ်း။

3 အာအောစီ ဘော မိုဝ်း ဂွန် အီမာယ် အီ စိူဝ် အာအီစာရာဟီ။ အာအီစာရာဟီ ပီ ဝီ မိုဝ်း ဂွန် အီမာယ် အီ စိူဝ် အာမီခီလာ၊ အာအောဘာဒီ၊ အာယုဝ်အေလ ဘော အာအီဆီယာ။ လှုက်လှာန် အာအောစီ ဖန် ဝီ တီ၊ ဂေ ဘော ဘဲန် ဒါ တာင် ခဲင် ဒူအီ အာမျုဝ် ဂေ။ 4 ဂေ ဝီ မိုဝ်း အီဘိုန့် ဂေ ဂွန် ကိူန် ကာဆဝ်။ န့ ဘော တဲး လှုက်လှာန် ဂေ အီ ဘူင် ဂါန် ဒါ ဆိုက် ကော နုဝ့် အူယ် မှိုန့် ဒီ ဒဝ် ဟြဲန့် ဝီ။

5 န့ ဘော ဟဲ့ ဒဲမ် အုန် ခဲင် ဇာရာင် ဂေ အီ မုး ဒါ တာင် အီ ပွိုန် ဘဲန် ဂိန့် ဆိုက် ဒူအီ ခြိုဝ် အာအီဆာခါ တီ၊ ဂေ ကွယ် ဒါ မှိုန့် ဒီ ဘူ ဟြဲန့် ဝီ။

6 အာဘေန်ယာမ် မိုဝ်း ဂွန် အီမာယ် အူယ် ဝီ အီ စိူဝ် အာဘေန်လာ၊ အာဘေခါရာ ဘော အာယီတာယေန်။

7 အာဘေန်လာ ယီ ဝီ မိုဝ်း ဂွန် အီမာယ် ဖန် ဝီ။ ဂေ စိူဝ် အာအေဇာဘူန်၊ အာအောစီ၊ အာအူဆီအေန်၊ အာယေရီမုတ် ဘော အာအီရီ။ ဒူအီ ဂေ တီ၊ ဂေ ဘော ဘဲန် ဒါ တာင် ခဲင် အာမျုဝ် ဂေ။ ခဲင် ဇာရာင် ဂေ ဟဲ့ ဒဲမ် အုန် ဒါ ဆိုက် အာ မှိုန့် ဒီ အာ ဟြဲန့် ဒီ အူယ် ဂိုဝ် ဒီ ဖွုန် ဝီ။

8 အာဘေခါရာ ဝီ မိုဝ်း ဂွန် အီမာယ် အီ စိူဝ် အာဇေမာရီ၊ အာယုဝ်အာတ်၊ အာအေလီအေဇာ၊ အာအေလီအောနေ၊ အာအုဝ်မာရီ၊ အာယေရေမူတ်၊ အာဖီယ၊ အာနာထူတ် ဘော အာလာမိတ်။ ဂေ ဘောကာဂ့လျီတ် မုး တူတ့် ဂွန် အာဘေခါရာ။ 9 ဂေ ဟဲ့ ဟပ် စိူဝ် ဂေ ခဲင် ဇာရာင် အီ မုး ဂိန့် န့ဟူမ် ဘော စိူဝ် ဒါ ဆိုက် ဂေ။ ဂေ ကွယ် အာ မှိုန့် ဒီ အာ မာယဝ်း ဝီ။

10 အာယီတာယေန် ဝီ မိုဝ်း ဂွန် အီမာယ် အူ ဝီ အီ စိူဝ် အာဘီလာဟာန်။ အာဘီလာဟာန် ယီ ဝီ မိုဝ်း ဂွန် အီမာယ် အီ စိူဝ် အာယေအုတ်၊ အာဘေန်ယာမ်၊ အာအေဟုတ်၊ အာခေနာနာ၊ အာဇေထာန်၊ အာထာဆိတ် ဘော အာဟီဆာဟာ။ 11 ဒူအီ ဂေ တီ မုး လှုက်လှာန် အာယီတာယေန်။ ဂေ ဘဲန် ဒါ တာင် ခဲင် န့ဟူမ် ဂေ။ ဂေ ဘော ဘဲန် ဒါ ဆိုက် အာဒါ အူ မှိုန့် ဒီ ဘူ ဟြဲန့် ဒီ အာ မာယဝ်း ဝီ အီ ဟဲ့ ဖြူမ် ဒီ ကာဂုဝ်း။

12 ဂေ ဒူအီ အာမျုဝ် အာဆူဘေမ် ဘော အာမျုဝ် အာဟူဖိမ် ဟဲ့ ဘာ ခဲင် ဒူအီ အာအီရ။ ဂေ ဒူအီ အာဟူဆိမ် ယီ မုး လှုက်လှာန် အာဟေရာ။

13 ဂွန် အီမာယ် အာနာပ်ထာလီ ဘော စိူဝ် အာယာဇေအေန်၊ အာဂူနီ၊ အာယေဇေန် ဘော အာဆီလေမ်။ ဒူအီ ဂေ တီ ဂေ မုး တူတ့် လှုက်လှာန် နာင် ဘီလာ။

14 အီဘိုန့် တျီ့ အာမာနာဆေ အီ မုး ဒူအီ အာမျုဝ် အာရာမ် တွိုန်၊ အန် ဝီ မိုဝ်း ဂွန် အီမာယ် အီ စိူဝ် အာဆာရီအေန် ဘော အာမာခီရာ။ အာမာခီရာ တီ ဘော မုး ဂုန့် အာဂီလေအာတ်။ 15 အာမာခီရာ ဝီ ဒိုဝ်း အီဘိုန့် ခဲင် ဒူအီ အာမျုဝ် အာဟူဖျိမ် ဂါယ် အာဆူဘေမ် အီ စိူဝ် နာင် မာခါ။ ဂွန် အီမာယ် အာမာခီရာ ဘော စိူဝ် အာစာလောဖတ်။ အာစာလောဖတ် ယီ ဝီ မိုဝ်း မီ ဂွန် အီဘိုန့် ဒီလူယ်။ 16 နာင် မာခါ အီ မုး အီဘိုန့် အာမာခီရာ တီ၊ ပီ ဝီ မိုဝ်း ဂွန် အီမာယ် အီ စိူဝ် အာဖေရေဆ ဘော အာဆေရိတ်။ အာဖေရေဆ ပီ ဝီ မိုဝ်း ဂွန် အီမာယ် အီ စိူဝ် အာအူလမ် ဘော အာရေခိမ်။

17 အာအူလမ် ပီ ဝီ မိုဝ်း ဂွန် အီမာယ် အီ စိူဝ် အာဘေဒါန်။ ဒူအီ ဂေ တီ ဘောကာဂ့လျီတ်၊ ဂေ မုး တူတ့် လှုက်လှာန် အာဂီလေအာတ် အီ မုး ဂွန် အာမာခီရာ ဘော လှာန် အာမာနာဆေ တွိုန်။ 18 ဝါ အာဂီလေအာတ် အီ စိူဝ် နာင် ဟာမောလေခိတ် ပီ ဝီ မိုဝ်း ဂွန် အီမာယ် အီ စိူဝ် အာအီဆောတာ၊ အာဘီအေစာ ဘော အာမာလာ။

19 အာဆာမီဒါ ပီ ဝီ မိုဝ်း ဂွန် အီမာယ် အီ စိူဝ် အာဟီအာန်၊ အာဆေခေမ်၊ အာလီခါဟီ ဘော အာနီအာမ်။

20 ဂေ လှုက်လှာန် အာအေဖာရိမ် ဂေ စိူဝ် အာဆူထေလာ အီ ဝီ မိုဝ်း ဂွန် အီ စိူဝ် အာဘေရေတ်။ အာဘေရေတ် ဝီ မိုဝ်း ဂွန် အီ စိူဝ် အာထာဟာတ်။ အာထာဟာတ် ဝီ မိုဝ်း ဂွန် အီ စိူဝ် အာအေလာတာ။ အာအေလာတာ ဝီ မိုဝ်း ဂွန် အီ စိူဝ် အာထာဟာတ်။ 21 အာထာဟာတ် ဝီ မိုဝ်း ဂွန် အီ စိူဝ် အာဇာဘာတ်။ အာဇာဘာတ် ဝီ မိုဝ်း ဂွန် အီ စိူဝ် အာဆူထေလာ။ ဒဲင် အာဆူထေလာ ဂေ တီ၊ အာအေဖာရိမ် ပီ ဝီ မိုဝ်း ဂွန် အီမာယ် အီ စိူဝ် အာအေဇေန် ဘော အာအေလာတ်။ ဂေ ဒူအီ အာဂထ ဟဲ့ ငဝ်း ယမ် ဂါယ် အူကတ် အူဝါ တီ ကူပ် ဟဲ့ ပြာ ဂါယ် မာမက် ဂေ။ 22 ဂုန့် ဂါယ် ဘော က့လိုဝ် ဘော ငှဝ် ကော လှေန့် ကာဆဝ် ကူပ် ဂွန် အန် ဂါယ် တီ။ ဂေ ဘီနွင် ဝေါဝဲ အန် ဘော ဝီ တး လှဝ် နဝ်း အန်။ 23 ဝါယ် အန် တီ အန် ပီ ဝီ အိတ် ရိုမ် ဒူပ် အီဘိုန့် အန် တွိုန်။ အီဘိုန့် အန် တီ ဘော ဝီ ဒဲ ဘာဒိက် ဆန်ထေ၊ ဝီ မိုဝ်း ဂွန် အီမာယ် အီ စိူဝ် အာဘေရီယာ။ ဆီဖဝ် ဘျြီာ ဘော မုး န့ဟူမ် အန် ဟဲ့ ဇမ် ဒုက် တာင်။ 24 အာအေဖာရိမ် မိုဝ်း ဘော ဂွန် အီဘိုန့် အီ စိူဝ် နာင် ဆေအေရာ။ နာင် ဆေအေရာ တီ ဘော မုး အီ ဒဲ မိူင် ဘေတ်ဟုဝ်ရုန် အီ ကွယ် ဘ့လာက် နာ ကွာ ဘော ဘ့လာက် နာ တေတ့်။ အန် ဒဲ ဘော မိူင် အောဇေန်ဆေအေရာ။

25 ဟဲ့ ဟွတ့်၊ အာအေဖာရိမ် ပီ ဝီ မိုဝ်း ဂွန် အီမာယ် ပေါ အူ ဝီ အီ စိူဝ် အာရေဖ။ အာရေဖ ဝီ မိုဝ်း ဂွန် အီ စိူဝ် အာရေဆိမ်၊ အာရေဆိမ် ဝီ မိုဝ်း ဂွန် အီ စိူဝ် အာထေလာ၊ အာထေလာ ဝီ မိုဝ်း ဂွန် အီ စိူဝ် အာထာဟာန်။

26 အာထာဟာန် ဝီ မိုဝ်း ဂွန် အီ စိူဝ် အာလာဒါန်၊ အာလာဒါန် ဝီ မိုဝ်း ဂွန် အီ စိူဝ် အာမီဟုတ်၊ အာမီဟုတ် ဝီ မိုဝ်း ဂွန် အီ စိူဝ် အာအေလီဆာမာ။ 27 အာအေလီဆာမာ ဝီ မိုဝ်း ဂွန် အီ စိူဝ် အာနုန်၊ အာနုန် ဝီ မိုဝ်း ဂွန် အီ စိူဝ် အာယုဝ်ဆူအာ။

28 ကာဒါယ် ပီ ပွိုန် ဂေ ဒူအီ အာအေဖာရိမ် ဘော မုး မိူင် ဘေဒါအေန် ဘော ရဝ် အီ ကွယ် ရေတ့် မိူင် တီ။ မိူင် နာအာရာန် အီ ကွယ် ဘ့လာက် နာ လေး ဆီငဲ၊ မိူင် ကေစာ ဘော အူင့် ပေတ့် အီ ကွယ် နာ ရေတ့် မိူင် ဂေ တီ အီ ကွယ် နာ ဂေတ့် ဆီငဲ။ န့ ဘော ဘာ ဘော မိူင် ဆေခေမ် ဘော ရဝ် အီ ကွယ် ဒူပ် န့တေန့် အီ ဇမ် မိူင် အာယာ ဘော ရဝ် အီ ကွယ် ရူပ် မိူင် တီ။ 29 ခူပ် ကာအုန် ကာဒါယ် ဒူင် ကွယ် ဒူအီ အာမာနာဆေ ဘော မိုဝ်း မိူင် ဘေတ်ဆဲအန်၊ မိူင် ထာနက်၊ မိူင် မီကီတော၊ မိူင် ဒေါရာ ဘော ရဝ် အီ ကွယ် ရူပ် မိူင် ဂေ တီ။ ခဲင် ကာဒါယ် တီ န့ ဘဲန် တူတ့် ဒူင် ကွယ် ခြိုဝ် လှုက်လှာန် အာယုဝ် အီ မုး ဂွန် အာအီဆာရေလ တွိုန်။

30 အာနီ ဝီ မုး ဒူအီ ခဲင် ခြိုဝ် အာဆေန်။ အန် ဘော မိုဝ်း ဂွန် အီမာယ် အီ စိူဝ် အာအီမာနာဟာ၊ အာအီဆာဝါ၊ အာအီဆာဝီ ဘော အာဘေရီယာ။ အန် မိုဝ်း ဘော ဂွန် အီဘိုန့် အီ စိူဝ် နာင် ဆေရာ။

31 အာဘေရီယာ ပီ ဝီ မိုဝ်း ဂွန် အီမာယ် အီ စိူဝ် အာဟေဘာ ဂါယ် အာမာလာခီလာ။ အာမာလာခီလာ ဘော မုး ဂုန့် အာဘီရာစာအိတ်။

32 အာဟေဘာ ပီ ဝီ မိုဝ်း ဂွန် အီမာယ် အီ စိူဝ် အာယာဖာလေတ်၊ အာဆုဝ်မေရာ ဘော အာဟုဝ်ဆာမ်။ အန် မိုဝ်း ဘော ဂွန် အီဘိုန့် အီ စိူဝ် နာင် စူအာ။

33 အာယာဖာလေတ် ပီ ဝီ မိုဝ်း ဂွန် အီမာယ် အီ စိူဝ် အာဘာဆက်၊ အာဘီမာဟာလာ ဘော အာဆာဝတ်။

34 အာဆုဝ်မေရာ ပီ ဝီ မိုဝ်း ဂွန် အီမာယ် အီ စိူဝ် အာဟိန်၊ အာရုဝ်ခါ၊ အာဟူဘာ ဘော အာရာမ်။

35 အာဆုဝ်မေရာ ဝီ မိုဝ်း ဝါ အီ စိူဝ် အာဟေလေမ် အီ မိုဝ်း ဂွန် အီမာယ် အီ စိူဝ် အာစုဝ်ဖ၊ အာအီမာနာ၊ အာဆေလေတ် ဘော အာအေမာလာ။

36 ဂေ ဂွန် အီမာယ် အာစုဝ်ဖ ဘော မုး အာဆူအာ၊ အာဟာနေဖ၊ အာဆူအာန်၊ အာဘေရီ၊ အာအီမာရာ၊ 37 အာဘေဇေရာ၊ အာဟုဝ်တာ၊ အာဆမ်မာ၊ အာဆီလာဆာ၊ အာယီထာရာန် ဘော အာဘီရာ။

38 ဂွန် အာယေဆာ ဘော မုး အာယေဖုဝ်နာ၊ အာဘီဆာဘာ ဘော အာရာအာ။

39 ဂွန် အာအူလာ ဘော မုး အာရာဟာ၊ အာဟာယေလာ ဘော အာရေဇီယာ။

40 ဒူအီ ဂေ တီ ဘော မုး တူတ့် လှုက်လှာန် အာဆေန်။ ဂေ ဘော ဘဲန် ဂုန့် ဒင် ဘော ဒူအီ တာင် ခဲင် ခြိုဝ် ဂေ။ ဂေ ဘဲန် ဘော ဂိန့် ဆိုက် အီ တာင် အီ မိုဝ်း ဆာရေ။ ဒါ ဆိုက် ဂေ အီ ဟဲ့ ပွိုန် ကာဂုဝ်း၊ ဂေ ကွယ် အာ မှိုန့် ဒီ ဒဝ် ဟြဲန့် ဝီ။ ခဲ့ တီ ဟဲ့ ဒူပ် ပဲ့ ဟဲ့ ဒဲမ် အုန် ခဲင် ဇာရာင် ဂေ။