ခါန် 6
လွင် ခြိုဝ် အာလေဝီ
1 ဂေ ဂွန် အီမာယ် အာလေဝီ စိူဝ် အာဂေန်ရာဆူန်၊ အာခုဝ်ဟာတ် ဘော အာမေန်ရာရီ။
2 အာခုဝ်ဟာတ် ပီ ဝီ မိုဝ်း ဂွန် အီမာယ် အီ စိူဝ် အာမာရမ်၊ အာအီဇာဟာ၊ အာဟေဘြုဝ် ဘော အာအူဆီအေန်။
3 အာမာရမ် မိုဝ်း ဂွန် အီမာယ် အီ စိူဝ် အာရူန် ဂါယ် အာမုဝ်ဆဲ ဘော နာင် မီရီယမ်။ အာရူန် ပီ ဝီ မိုဝ်း ဂွန် အီမာယ် အီ စိူဝ် အာနာဒါပ်၊ အာဘီဟူ၊ အာလေအာဆာ ဘော အာအီထာမာ။
4 ဂွန် အာလေအာဆာ ဘော စိူဝ် အာဖီနေဟာတ်။ ဂွန် အာဖီနေဟာတ် ဝီ စိူဝ် အာဖီဆာ။
5 ဂွန် အာဖီဆာ ဝီ စိူဝ် အာဘူကီ။ ဂွန် အာဘူကီ ဘော စိူဝ် အာအောစီ။
6 ဂွန် အာအောစီ ဝီ စိူဝ် အာစေရာဟီ။ ဂွန် အာစေရာဟီ ဝီ စိူဝ် အာမာရာယုတ်။
7 ဂွန် အာမာရာယုတ် ဝီ စိူဝ် အာမာရီယာ။ ဂွန် အာမာရီယာ ဝီ စိူဝ် အာဟီတူပ်။
8 ဂွန် အာဟီတူပ် ဝီ စိူဝ် အာဇာဒူက်။ ဂွန် အာဇာဒူက် ဝီ စိူဝ် အာဟီမာတ်။
9 ဂွန် အာဟီမာတ် ဝီ စိူဝ် အာဇာရီယာ။ ဂွန် အာဇာရီယာ ဝီ စိူဝ် အာယောဟာနန်။
10 ဂွန် အာယောဟာနန် ဝီ စိူဝ် အာဇာရီယာ အီ ဘဲန် ဒါ အီ လှူ ဒီ ဇဝ်ဖြာ။ အန် ဟဲ့ ကွယ် ခဲင် ဟုဝ် ဇဝ်ဖြာ ပီ ဆမ် ခုန်ဒီခမ် အာဆာလုဝ်မုဝ် ခဲင် မိူင် ယေရူဆာလဲမ် တွိုန်။
11 အာဇာရီယာ ဝီ မိုဝ်း ဂွန် အီမာယ် အီ စိူဝ် အာမာရီယာ။ ဂွန် အာမာရီယာ ဝီ စိူဝ် အာဟီတူပ်။
12 ဂွန် အာဟီတူပ် ဘော စိူဝ် အာဇာဒူက်။ ဂွန် အာဇာဒူက် ဘော စိူဝ် အာဆာလူမ်။
13 ဂွန် အာဆာလူမ် ဘော စိူဝ် အာဟီလာခီ။ ဂွန် အာဟီလာခီ ဘော စိူဝ် အာဇာရီယာ။
14 ဂွန် အာဇာရီယာ ဘော စိူဝ် အာဆေရာယာ။ ဂွန် အာဆေရာယာ ဘော စိူဝ် အာယေဟုဝ်ဇာဒက်။
15 အာယေဟုဝ်ဇာဒက် မိူဝ် ဟဲ့ ကာဒုး မှေတ့် ဒေါ ဟဲ့ စ်ု ဇဝ်ဖြာ ဒီ ခုန်ဒီခမ် အာနေဘူခတ်နေစာ၊ တဲး အန် တး ကာဂုဝ်း ဘော မှေတ့် ဟာဝ် ဒူအီ မိူင် ယူဒါ ဘော ဒူအီ ခဲင် မိူင် ယေရူဆာလဲမ်။
16 အာလေဝီ မိုဝ်း ဂွန် အီမာယ် အီ စိူဝ် အာဂေန်ရာဆူန်၊ အာခုဝ်ဟာတ် ဘော အာမေန်ရာရီ။
17 အာဂေန်ရာဆူန် ဝီ မိုဝ်း ဂွန် အီမာယ် အီ စိူဝ် အာလီဘာနီ ဘော အာဆီမီ။
18 ဂွန် အာခုဝ်ဟာတ် ဘော စိူဝ် အာမာရမ်၊ အာအီဇာဟာ၊ အာဟေဘြုဝ် ဘော အာအူဆီအေန်။
19 ဂွန် အာမေန်ရာရီ ဘော မုး အာမာလီ ဂါယ် အာမူဆီ။ ဒူအီ ဂေ တီ၊ ဂေ မုး တူတ့် ဂွန် အာလေဝီ အီ ဟဲ့ ဒဲမ် အုန် ခဲင် ဇာရာင် စိူဝ် ဂုန့် ဂေ။
20 စိူဝ် ဂေ အာမျုဝ် အာဂေန်ရာဆူန် န့ ပါယ် နီ။ အာဂေဆူန် မိုဝ်း ဂွန် အီမာယ် အီ စိူဝ် အာလီဘာနီ။ ဂွန် အာလီဘာနီ ဝီ စိူဝ် အာယာဟာတ်။ ဂွန် အာယာဟာတ် ပီ ဝီ စိူဝ် အာဇီမာ။ 21 ဂွန် အာဇီမာ ဘော စိူဝ် အာယုဝ်အာ။ ဂွန် အာယုဝ်အာ ပီ ဝီ စိူဝ် အာအီတော။ ဂွန် အာအီတော ပီ ဝီ စိူဝ် အာဇေန်ရာ။ ဂွန် အာဇေန်ရာ ပီ ဝီ စိူဝ် အာယာတာရီ။
22 လှုက်လှာန် အာခုဝ်ဟာတ် ဘော မုး အာမီနာဒါပ်။ ဂွန် အာမီနာဒါပ် ဘော စိူဝ် အာခုဝ်ရာ။ ဂွန် အာခုဝ်ရာ ဝီ စိူဝ် အာဆီရာ။ 23 ဂွန် အာဆီရာ ဘော စိူဝ် အာအေန်ခါနာ။ ဂွန် အာအေန်ခါနာ ဝီ စိူဝ် အာအေဘာဆာပ်။ ဂွန် အာအေဘာဆာပ် ဝီ စိူဝ် အာဆီရာ။
24 ဂွန် အာဆီရာ ဝီ စိူဝ် အာထာဟာတ်။ ဂွန် အာထာဟာတ် ဝီ စိူဝ် အာအူရေအေန်။ ဂွန် အာအူရေအေန် ဝီ စိူဝ် အာအူဇီယာ။ ဂွန် အာအူဇီယာ ဝီ စိူဝ် အာဆာအုန်။
25 အာအေန်ခါနာ မိုဝ်း ဂွန် အီမာယ် အီ စိူဝ် အာမာဆေ ဂါယ် အာဟီမုတ်။
26 ဂွန် အာဟီမုတ် တီ စိူဝ် အာအေန်ခါနာ။ ဂွန် အာအေန်ခါနာ စိူဝ် အာစောဖဲ။ ဂွန် အာစောဖဲ ဝီ စိူဝ် အာနာဟတ်။ 27 ဂွန် အာနာဟတ် ဘော စိူဝ် အာအေလီအာပ်။ ဂွန် အာအေလီအာပ် ဝီ စိူဝ် အာယေရုဝ်ဟမ်။ ဂွန် အာယေရုဝ်ဟမ် ဝီ စိူဝ် အာအေန်ခါနာ။ ဂွန် အာအေန်ခါနာ ဝီ စိူဝ် အာဆာမူအေန်။
28 အာဆာမူအေန် ဘော မိုဝ်း ဂွန် အီမာယ် အာ ဝီ။ ဂွန် ဂိန့် အန် ဘော စိူဝ် အာယုဝ်အေလ။ ဝါ အန် ဘော စိူဝ် အာဖီယ။
29 အီ မုး လှုက်လှာန် အာမေန်ရာရီ၊ ဂေ စိူဝ် အာမာလီ။ ဂွန် အာမာလီ ဘော စိူဝ် အာလီဘာနီ။ ဂွန် အာလီဘာနီ ဝီ စိူဝ် အာဆီမီ။ ဂွန် အာဆီမီ ဘော စိူဝ် အာအူဇာဟာ။
30 ဂွန် အာအူဇာဟာ ဘော စိူဝ် အာဆီမာ။ ဂွန် အာဆီမာ ဘော စိူဝ် အာဟာကီယာ။ ဂွန် အာဟာကီယာ ဘော စိူဝ် အာဆာယာ။
လွင် ဂေ ဒူအီ အီ တဝ်း မှုဝ် ခဲင် ဟုဝ် ဇဝ်ဖြာ
31 ခုန်ဒီခမ် အာဒါဝိတ် ဟဲ့ ဒါင် ဒူအီ ဂေ နီ၊ တဲး ဂေ ဘဲန် ဒူအီ အီ တဝ်း မှုဝ် ဒေါ ကြိုပ် ဂေ ဇဝ်ဖြာ ခဲင် မိူင် ယေရူဆာလဲမ် ဝါယ် ဟဲ့ ဟွတ့် ဒိုဝ်း တး အုန် ဂေ ဇီဒိူက် ဇဝ်ဖြာ တွိုန်။ 32 ဒူအီ ဂေ တီ ဘော ဘူင် ဂါန် ဂေ၊ တဝ်း မှုဝ် ခဲင် ထိုပ် ဘိက် ဘွတ် ဒူင် ကွယ် ဇဝ်ဖြာ၊ တဲး န့ ကော ဝီ ဇမ် အာခြာဝ် ဝီ ဆမ် ခုန်ဒီခမ် အာဆာလုဝ်မုဝ် ဟုဝ် ဇဝ်ဖြာ ခဲင် မိူင် ယေရူဆာလဲမ်။ ဝါယ် အန် တီ မိူဝ်၊ ဂေ ဝီ ဘူင် ဂါန် ဂေ ဒူပ် ခဲ့ ပီ ပွက့် အုန် အီ။
33 ဒူအီ အီ လုဝ် ဘူင် ဂါန် ဇိုဝ် တီ အီ မုး ဒူအီ ခဲင် ဖိုင် အာခုဝ်ဟာတ်၊ အီ ဘဲန် ဒူအီ အီ တဝ်း မှုဝ် တီ၊ န့ ဘော မုး အာဟေမာန် အီ မုး ဂွန် အာယုဝ်အေလ။ အာယုဝ်အေလ ဝီ မုး ဂွန် အာဆာမူအေန်။
34 အာဆာမူအေန် ဝီ မုး ဂွန် အာအေန်ခါနာ။ အာအေန်ခါနာ ဝီ မုး ဂွန် အာယေရုဝ်ဟမ်။ အာယေရုဝ်ဟမ် ဝီ မုး ဂွန် အာအေလီအေန်။ အာအေလီအေန် ဝီ မုး ဂွန် အာတောအာ။
35 အာတောအာ ဝီ မုး ဂွန် အာဇူဖ။ အာဇူဖ ဝီ မုး ဂွန် အာအေန်ခါနာ။ အာအေန်ခါနာ ဝီ မုး ဂွန် အာမာဟာတ်။ အာမာဟာတ် ဝီ မုး ဂွန် အာမာဆေ။
36 အာမာဆေ ဝီ မုး ဂွန် အာအေန်ခါနာ။ အာအေန်ခါနာ ဝီ မုး အာယုဝ်အေလ။ အာယုဝ်အေလ ဝီ မုး ဂွန် အာဇာရီယာ၊ အာဇာရီယာ ဝီ မုး ဂွန် အာစေဖာနီ။
37 အာဇေဖာနီ ဝီ မုး ဂွန် အာထာဟာတ်။ အာထာဟာတ် ဝီ မုး ဂွန် အာဆီရာ။ အာဆီရာ ဝီ မုး ဂွန် အာအေဘာဆာပ်။ အာအေဘာဆာပ် ဝီ မုး ဂွန် အာခုဝ်ရာ။ အာခုဝ်ရာ ဝီ မုး ဂွန် အာအီဇာဟာ။ အာအီဇာဟာ ဝီ မုး ဂွန် အာခုဝ်ရာ။
38 အာခုဝ်ရာ ဝီ မုး ဂွန် အာအီဇာဟာ။ အာအီဇာဟာ ဝီ မုး ဂွန် အာခုဝ်ဟာတ်။ အာခုဝ်ဟာတ် ဝီ မုး ဂွန် အာလေဝီ အီ ဘော မုး ဂွန် အာအီဆာရေလ တွိုန်။
39 အီ စွယ် အာဟေမာန်၊ အန် စိူဝ် အာဆာပ်။ အန် စွင့် ဘ့လာက် အာအး အာဟေမာန်။ အာဆာပ် မုး ဂွန် အာဘေရေက်။ အာဘေရေက် ဝီ မုး ဂွန် အာဆီမာ။
40 အာဆီမာ ဝီ မုး ဂွန် အာမီခီလာ၊ အာမီခီလာ ဝီ မုး ဂွန် အာဘာဆေယာ၊ အာဘာဆေယာ ဝီ မုး ဂွန် အာမာလာခီယာ။ 41 အာမာလာခီယာ ဝီ မုး ဂွန် အာအေထာနီ။ အာအေထာနီ ဝီ မုး ဂွန် အာဇေန်ရာ။ အာဇေန်ရာ ဝီ မုး ဂွန် အာတာယာ။
42 အာတာယာ ဝီ မုး ဂွန် အာအေထာန်။ အာအေထာန် ဝီ မုး ဂွန် အာဇီမာ၊ အာဇီမာ ဝီ မုး ဂွန် အာဆီမီ။ 43 အာဆီမီ ဝီ မုး ဂွန် အာယာဟာတ်။ အာယာဟာတ် ဝီ မုး ဂွန် အာဂေန်ရာဆူန်။ အာဂေန်ရာဆူန် ဘော မုး ဂွန် အာလေဝီ တွိုန်။
44 အီ ကွယ် ဘ့လာက် အာဂ အာဟေမာန် ဘော မုး ဒူအီ ဖိုင် အာမေန်ရာရီ အီ စိူဝ် အာအေထာန်။ အာအေထာန် ဘော မုး ဂွန် အာကီဆီ၊ အာကီဆီ ဝီ မုး ဂွန် အာဖာဒီ၊ အာဖာဒီ ဝီ မုး ဂွန် အာမာလုက်၊ 45 အာမာလုက် ဝီ မုး ဂွန် အာဟာဆာဘီ။ အာဟာဆာဘီ ဝီ မုး ဂွန် အာမာဇီယာ။ အာမာဇီယာ ဝီ မုး ဂွန် အာဟီလာခီ။
46 အာဟီလာခီ ဝီ မုး ဂွန် အာအမ်ဇီ။ အာအမ်ဇီ ဝီ မုး ဂွန် အာဘာနီ၊ အာဘာနီ ဝီ မုး ဂွန် အာဆာမေရာ။ 47 အာဆာမေရာ ဝီ မုး ဂွန် အာမာလီ၊ အာမာလီ ဝီ မုး ဂွန် အာမူဆီ။ အာမူဆီ ဝီ မုး ဂွန် အာမေန်ရာရီ အီ ဝီ မုး ဂွန် အာလေဝီ အူ ဝီ။
48 ဂေ ဒူအီ ဟဝ် အီ မုး ဒူအီ အာလေဝီ၊ ဂေ ဒွန် အီ ဘူင် ဂါန် ဒွန် မျုဝ် အီ ကွယ် ခဲင် ဒူင် ဒီ ကြိုပ် ဂေ ဇဝ်ဖြာ။ 49 အာရူန် ဘော ဂွန် အန်၊ ဂေ ဘဲန် တူတ့် ဒါ အီ လှူ ပီ ဒီ လှူ ဒဲင် ကာစှူင့် လှူ။ န့ မုး ဒူင် လှူ ဂေ ဒုဝ် အီ ဒုဝ့် ဒီ ငဝ်၊ ဘော ဒဲင် ကာစှူင့် ပီ လှူ ဂေ န့ကြိုဝ်း အုး ငှုန်။ ဂေ ဘူင် ဂါန် ဘော ခဲင် ဒူင် ဆီငါ ဘွတ် လွှိုမ် တူတ့်။ ဂေ ဘော လှူ တဲး ဒူအီ အီဆာရေလ ဝီ ကာလဝ့် ဒီ ဇဝ်ဖြာ။ တဲး န့ ဒူပ် ခဲ့ ပီ ဒမ် အုန် အာမုဝ်ဆဲ အီ မုး ဒဲစေန့် ဇဝ်ဖြာ။
လွင် ဂေ ဒူအီ အာရူန်
50 အာနီ မုး စိူဝ် လှုက်လှာန် အာရူန်။ အာရူန် မိုဝ်း ဂွန် အီမာယ် အီ စိူဝ် အာလေအာဆာ။ ဂွန် အာလေအာဆာ ဘော စိူဝ် အာဖီနေဟာတ်။ ဂွန် အာဖီနေဟာတ် ဘော စိူဝ် အာဖီဆာ။ 51 ဂွန် အာဖီဆာ ဝီ စိူဝ် အာဘူကီ။ ဂွန် အာဘူကီ ဘော စိူဝ် အာအောစီ။ ဂွန် အာအောစီ ဘော စိူဝ် အာစေရာဟီ။
52 ဂွန် အာစေရာဟီ ဘော စိူဝ် အာမာရာယုတ်။ ဂွန် အာမာရာယုတ် ဘော စိူဝ် အာမာရီယာ။ ဂွန် အာမာရီယာ ဘော စိူဝ် အာဟီတူပ်။ 53 ဂွန် အာဟီတူပ် ဘော စိူဝ် အာဇာဒူက်။ ဂွန် အာဇာဒူက် ဘော စိူဝ် အာဟီမာတ်။
လွင် ဒူင် ကွယ် ဂေ ဒူအီ အာမျုဝ် အာလေဝီ
54 ဒေါ ကာတာမ် ဂေ မာန် မိူင်၊ တဲး ဒွန် အီ မိုဝ်း ဒူင် ဒီ ကွယ် အန်၊ ပီ ကာတာမ် ပီ ကာယဝ်း ဂေ ဒေါ ဂုဝ်၊ န့ မုး ဒူင် ကွယ် ဂေ လှုက်လှာန် အာရူန် အီ မုး ဒူအီ အာခုဝ်ဟာတ်။
55 မိူင် ဒူင် ကွယ် ဂေ ဘော မုး မိူင် ဟေဘြုဝ် အီ ကွယ် ခဲင် ကာဒါယ် မိူင် ယူဒါ ဘော အူင့် ပေတ့် အီ ဟဲ့ ကွယ် နာ ရေတ့် မိူင် တီ။ 56 မာလဲ၊ အီ မုး မာန် ဂေ ဒူင် နာ အီ ရူပ် မိူင် ဘော ရဝ် ဂေ တွိုန်၊ ဂေ ဟဲ့ ဟွတ့် အာပ် ဒွါ ဒီ အာဂါလိပ် အီ မုး ဂွန် အာယေဖုဝ်နာ။
57 ပါယ် တီ မိူင် ဒူင် ဟဲ့ မှာယ် အုန် ဂေ အာဒါ လှုက်လှာန် အာရူန် ဘော မုး မိူင် ဟေဘြုဝ်၊ အီ မုး မိူင် ဒူင် ပွိုန် တဝ် ချြီင်။ န့ မုး ဘော မိူင် လီပါနာ၊ မိူင် ယာတီရာ၊ မိူင် အေဆာတာမော၊ 58 မိူင် ဟီလေန်၊ မိူင် ဒေဘီရာ၊ 59 မိူင် အာဆာန် ဘော မိူင် ဘေတ်ဆေမေတ် ဘော ဒူင် မိုဝ်း ပေတ့် အီ ကွယ် ရူပ် မိူင် ဂေ တီ။ 60 ခဲင် ကာဒါယ် ဒူအီ အာဘေန်ယာမ် မိူဝ်၊ ဂေ လှုက်လှာန် အာရူန် ဟဲ့ ပွိုန် ဘော မိူင် ဘော ကာဒါယ် ဘော အူင့် ပေတ့် ပဲ့ ဟဲ့ မှာယ် အုန် ဂေ အီ မုး မိူင် ဂီဘာ၊ မိူင် အာလာမိတ် ဘော မိူင် အာနာဆူတ်။ မာန် မိူင် ဂေ တီ ဘောကာဂ့လျီတ် ကွယ် ဂိုဝ် ဒီ အူယ် မိူင်။ ဂေ ဘဲန် တူတ့် ဒူင် ဒီ ကွယ် ဒူအီ ခုဝ်ဟာထိတ်။
61 ခဲင် ကာဒါယ် အာမာနာဆေ အူ ကာတဲ မိူဝ်၊ ဂေ ဟဲ့ ကာဆာင် အုန် မိူင် ဂိုဝ် မိူင် အာဒါ ဂေ ဒူအီ ခြိုဝ် အာခုဝ်ဟာတ် အီ ဆီ ဂိတ် တွိုန်။
62 ဂေ လှုက်လှာန် အာဂေန်ရာဆူန် ဒွန် န့ကြိုဝ်း မိူဝ်၊ ဂေ ဟဲ့ ပွိုန် မိူင် ဂိုဝ် ဒီ အူယ် မိူင် အီ ကွယ် ခဲင် ကာဒါယ် အာမျုဝ် ဒူအီ အာအီဆာခါ။ ကာဒါယ် အာမျုဝ် ဒူအီ အာဆေန်၊ အာမျုဝ် ဒူအီ အာနာပ်ထာလီ ဘော အာမျုဝ် ဒူအီ အာမာနာဆေ အူ ကာတဲ အီ မုး မိူင် ဘာဆန်။
63 ဂေ ဒူအီ အာမေန်ရာရီ ဟဲ့ ပွိုန် ဂိုဝ် ဒီ အာ မိူင် ဒူပ် န့ဟူမ် ဂေ န့ဟူမ် မှဝ် န့ဟူမ် အန်။ မိူင် ဂေ တီ ကွယ် ခဲင် ကာဒါယ် အာရူဘေန်၊ ကာဒါယ် အာဂတ် ဘော ခဲင် ကာဒါယ် အာဇေဘူလူန်။
64 ပါယ် တီ ဂေ ဒူအီ အီဆာရေလ ဟဲ့ ဒိုဝ်း မိူင် ဘော ကာဒါယ် ဘော အူင့် ပေတ့် အီ ကွယ် ရူပ် မိူင် ဂေ တီ ဘော အာပ်၊ တဲး န့ ဘဲန် ဒူင် ကွယ် ဂေ ဒူအီ အာမျုဝ် အာလေဝီ။ 65 မိူင် အီ ဟဲ့ ဟွတ့် ဒဲမ် အုန်၊ ဂေ ဟဲ့ ဒိုဝ်း ဘော ခဲင် ကာဒါယ် ဒူအီ အာယူဒါ၊ ခဲင် ကာဒါယ် ဒူအီ အာဆီမေအူန် ဘော ခဲင် ကာဒါယ် ဒူအီ အာဘေန်ယာမ်။
66 လှုက်လှာန် အာခုဝ်ဟာတ် မင် ဖိုင် ဟဲ့ ပွိုန် မိူင် ဂေ အူင့် ပေတ့် အီ ကွယ် ခဲင် ကာဒါယ် ဒူအီ အာအေဖာရိမ်။
67 မိူင် ပီ ဒီ အာပ် ဒွါ ဂေ အီ ကွယ် ခဲင် ကာဒါယ် နွန် အာအေဖာရိမ် ဘော မုး မိူင် ဆေခေမ် အီ မုး မိူင် ဒူင် ပွိုန် ဂေ တဝ် ချြီင်။ န့ မုး ဘော မိူင် ကေစာ၊ 68 မိူင် ယူက်မမ်၊ မိူင် ဘေတ်ဟုဝ်ရုန်၊ 69 မိူင် အာစာလုန် ဘော မိူင် ဂါထရိမ်မူန် ဘော အူင့် ပေတ့် အီ ကွယ် နာ ရေတ့် မိူင် ဂေ တီ။
70 ခဲင် ကာဒါယ် ခြိုဝ် အာမာနာဆေ အူ ကာတဲ ဂေ ဟဲ့ အာပ် ဒွါ ဒီ လှုက်လှာန် အာခုဝ်ဟာတ် မိူင် အာနေရာ၊ မိူင် ဘီလမ် ဘော အူင့် ပေတ့် ဂေ တွိုန်။
71 ဂေ ဒူအီ အာဂေန်ရာဆူန် ဟဲ့ ပွိုန် မိူင် ပါယ် နီ။ ခဲင် ကာဒါယ် ခြိုဝ် အာမာနာဆေ အူ ကာတဲ မုး မိူင် ကောလန်၊ ခဲင် ကာဒါယ် မိူင် ဘာဆန် ဘော မိူင် အာဆာတာရုတ် ဘော အူင့် ပေတ့် အီ ကွယ် နာ ရေတ့် မိူင် ဂေ တီ။
72 အီ မုး ခဲင် ကာဒါယ် ခြိုဝ် အာအီဆာခါ န့ မုး မိူင် ကေဒေဆ၊ မိူင် တာဘာရာတ်၊ 73 မိူင် ရာမူတ် ဘော မိူင် အာနိမ် ဘော အူင့် ပေတ့် အီ ကွယ် နာ ရေတ့် မိူင် ဂေ တီ။
74 ခဲင် ကာဒါယ် ခြိုဝ် အာဆေန် ဘော မုး မိူင် မီဆာလာ၊ မိူင် အာဘာတူန်၊ 75 မိူင် ဟူကူတ် ဘော မိူင် ရေဟူပ် ဘော အူင့် ပေတ့် အီ ကွယ် နာ ရေတ့် မိူင် ဂေ တီ။
76 ခဲင် ကာဒါယ် ခြိုဝ် အာနာပ်ထာလီ ဘော မုး မိူင် ကေဒေဆ အီ ကွယ် ခဲင် ကာဒါယ် အိူင် ဂါလီလေ၊ မိူင် ဟာမာအူန် ဘော မိူင် ကီရီယာဆိမ် ဘော အူင့် ပေတ့် အီ ကွယ် နာ ရေတ့် မိူင် ဂေ တီ။
77 ဂေ ဒူအီ အာမျုဝ် အာမေန်ရာရီ အီ မုး ဒူအီ ခဲင် ခြိုဝ် အာလေဝီ အီ ဆီ ဂိတ် ဆီ ကွယ်၊ ဂေ ဟဲ့ ပွိုန် မိူင် ပါယ် နီ။ ခဲင် ကာဒါယ် ခြိုဝ် အာဇေဘူလူန် ဂေ ဟဲ့ ပွိုန် မိူင် ရိမ်မူန်၊ မိူင် ထာဘောရာ ဘော အူင့် ပေတ့် အီ ကွယ် နာ ရေတ့် မိူင် ဂေ တီ။
78 ခဲင် ကာဒါယ် ခြိုဝ် အာရူဘေန် အီ ကွယ် နာ တ ဘ့လဲင် အိုမ် ယောဒါန် ဘော နာ လေး ဆီငဲ မိူင် ယေရီခုဝ်၊ ဂေ ဟဲ့ ပွိုန် မိူင် ဘီစာ အီ ကွယ် ခဲင် ပြဲ ကာဟဝ်း ဘော မိူင် ယာဟာတ်၊ 79 မိူင် ကေဒါမုတ် ဘော မိူင် မေဖာတ် ဘော အူင့် ပေတ့် အီ ကွယ် နာ ရေတ့် မိူင် ဂေ တီ။