1 ဂေ ဝီ ကာတာမ် စိုပ် ဟာအာ၊ န့ ဘော လေး အာဒါ ခြိုဝ် အာဆီမေအူန်၊ တဲး ဂေ ပွိုန် ခါဂုန် ဒီ ဂေ ဒူပ် န့ကြိုဝ်း မှဝ် န့ကြိုဝ်း အန်။ ကာဒါယ် ဂေ တီ ဘော ကွယ် ခဲင် ကာဒါယ် ဒူအီ ခြိုဝ် အာယူဒါ။

2 မိူင် ဂေ တီ ဘော မုး မိူင် ဘီရာဆေဘာ၊ မိူင် ဆေဘာ၊ မိူင် မောလာဒါ၊ 3 မိူင် ဟာဇာဆူအာန်၊ မိူင် ဘာလာ၊ မိူင် အေဇေမ်၊ 4 မိူင် အေလာတောလာတ်၊ မိူင် ဆူလာ၊ မိူင် ဟောမ၊ 5 မိူင် ဇီကာလာတ်၊ မိူင် ဘေတ်မာခါဘူတ်၊ မိူင် ဟာဇာဆူဆိမ်၊ 6 မိူင် ဘေလေပွတ် ဘော မိူင် ဆာရာဟိန်။ မိူင် ဂေ တီ ဘော ရဝ် အီ ကွယ် နာ ရေတ့် မိူင် ဂေ၊ န့ ကွယ် ဂိုဝ် ဒီ အူယ် မိူင်။

7 န့ ဘာ ဘော မိူင် အာအိန်၊ မိူင် ရိမ်မူန်၊ မိူင် အေဆာ၊ မိူင် အာဆာန် ဘော ရဝ် အီ ကွယ် နာ ရေတ့် မိူင် ဂေ တီ။ န့ ကွယ် ဖွုန် မိူင်။ 8 န့ ဘာ ဘော ရဝ် အီ ကွယ် ကာတတ်၊ ကွယ် ရူပ် မိူင် ဂေ တီ ကော ဝီ ဟာဝ် ဇမ် ဒီ မိူင် ဘာလာတ်ဘီရာ အီ မုး မိူင် ရာမာ၊ အီ ကွယ် ဘ့လာက် နာ တေတ့်။ အာတီ ဘော မုး ကာဒါယ် ခါဂုန် ဂေ ခြိုဝ် အာဆီမေအူန် ဒူပ် န့ကြိုဝ်း မှဝ် န့ကြိုဝ်း အန်။ 9 အီ မုး ကာဒါယ် ခါဂုန် ဂေ ဒူအီ အာယူဒါ၊ န့ ဟဲ့ ကာဝဝ်း ကာဆဝ်။ ခုဝ်၊ ဘော ဂေ ခြိုဝ် အာဆီမေအူန် ဟဲ့ ပွိုန် ခါဂုန် ဒီ ဂေ ခဲင် ကာဒါယ် ခြိုဝ် အာယူဒါ။

10 ဂေ ဝီ ကာတာမ် စိုပ် ဟာအူယ်၊ န့ ဘော လေး အာဒါ ခြိုဝ် အာဇေဘူလူန်။ ဂေ ဘော ပွိုန် ကာဒါယ် ဒီ ဂေ ဒူပ် န့ကြိုဝ်း မှဝ် န့ကြိုဝ်း အန်။ ကာအုန် ကာဒါယ် ပီ ပွိုန် ဂေ တီ၊ န့ ဘော ဟာဝ် ဇမ် ဒီ မိူင် ဆာရိတ်။ 11 စုး ဒီ တီ န့ ဝီ ဟာဝ် ဘ့လာက် နာ ဂေတ့် ဆီငဲ၊ ဇမ် ဒီ မိူင် မာဟာလာ ဘော ဒီ မိူင် ဒေဘေဆေတ် ဘော ဟာဝ် ဒီ ရူင် အိုမ် အီ ကွယ် ကာတတ် မိူင် ယောကာနမ်။ 12 စုး ဒီ ဘ့လာက် နာ လေး ဆီငဲ မိူင် ဆာရိတ် န့ ဟာဝ် ဘော ဒီ ဒူင် စိူဝ် ခီဆာလူတ်ထာဘော၊ ဘော ဝီ ဟာဝ် ဒီ မိူင် တာဘာရာတ်၊ ပီ ဝီ ဟုဝ့် ဒီ မိူင် ယာဖာ။ 13 န့ ဘော ဝီ ဟာဝ် ဘ့လာက် နာ လေး ဆီငဲ၊ ဇမ် ဒီ မိူင် ဂါထဟေဖာ ဘော မိူင် အေတ်ကာဆိန်။ န့ ပီ ဝီ ဇမ် ဒီ မိူင် ရိမ်မူန်၊ ပီ ဝီ ဂူင် ဟာဝ် ဒီ မိူင် နေအာ။ 14 ကာအုန် ကာဒါယ် ဘ့လာက် နာ ကွာ၊ န့ ဘော ဟာဝ် နာ မိူင် ဟာမာထူန်။ န့ ဘော ဟာဝ် ဇမ် ဒီ ဒီလယ့် အီ စိူဝ် ယီဖာအေန်။ 15 ဒဲင် တီ၊ န့ ဘော ဘာ ဘော မိူင် ကာတာတ်၊ မိူင် နာဟာလာ၊ မိူင် အာဆီမာရုန်၊ မိူင် အီတာလာ ဘော မိူင် ဘေတ်လဲမ်။ အီ မုး မိူင် ဂိုဝ် ဒီ အာ မိူင် ဘော ရဝ် အီ ကွယ် နာ ရေတ့် မိူင် ဂေ တီ။

16 မိူင် ဂေ တီ ဘော ရဝ် ဂေ ဘောကာဂ့လျီတ် ဟဲ့ ဘဲန် တူတ့် ခါဂုန် ကာဒါယ် ခြိုဝ် အာဇေဘူလူန် ဒူပ် န့ကြိုဝ်း မှဝ် န့ကြိုဝ်း အန်။

17 ဂေ ဝီ ကာတာမ် စိုပ် မ့ဖွုန်၊ န့ ဘော လေး အာဒါ ခြိုဝ် အာအီဆာခါ ဒူပ် န့ကြိုဝ်း မှဝ် န့ကြိုဝ်း အန်။

18 မာန် မိူင် ဂေ တီ၊ န့ ဘော မုး မိူင် ယေစာရေလ၊ မိူင် ခေဆာလုတ်၊ မိူင် ဆူနိမ်၊ 19 မိူင် ဟာဖာရိမ်၊ မိူင် ဆီဟူန်၊ မိူင် အာနာဟာရာတ်၊ 20 မိူင် ရာဘေတ်၊ မိူင် ဂီဆီအူန်၊ မိူင် အေဘေတ်၊ 21 မိူင် ရေမေတ်၊ မိူင် အေန်ကာနိမ်၊ မိူင် အေန်ဟာတာ၊ မိူင် ဘေတ်ဖာဆေတ်။ 22 ကာအုန် ကာဒါယ် ဂေ တီ၊ န့ ဘော ဟာဝ် ဒွက် မိူင် ထာဘော၊ မိူင် ဆာဟာစူမာ ဘော မိူင် ဘေတ်ဆေမေတ်။ န့ ဘော ဟာဝ် ဇမ် ဒီ ဘ့လဲင် ယောဒါန်။ မိူင် ဂေ တီ ဘော ရဝ် ဂေ ဘောကာဂ့လျီတ် ကွယ် ဂိုဝ် ဒီ ဒဝ် မိူင် ဘော ရဝ် အီ ကွယ် နာ ရေတ့် မိူင် ဂေ တီ။

23 မိူင် ဂေ တီ ဘော ရဝ် ဂေ၊ ဟဲ့ ဘဲန် တူတ့် ခါဂုန် ဂေ ခြိုဝ် အာအီဆာခါ ဒူပ် န့ကြိုဝ်း မှဝ် န့ကြိုဝ်း အန်။

24 ဂေ ကာတာမ် စိုပ် မ့ဖန်၊ န့ ဘော လေး ခြိုဝ် အာဆေန် ဒူပ် န့ကြိုဝ်း မှဝ် န့ကြိုဝ်း အန်။

25 မာန် မိူင် ဂေ တီ ဘော ဘာ မိူင် ဟေလကာ၊ မိူင် ဟာလီ၊ မိူင် ဘေတိန်၊ မိူင် အာခါဆာပ်၊ 26 မိူင် အာလမ်မေလေက်၊ မိူင် အာမာတ် ဘော မိူင် မီဆာလာ။ ဘ့လာက် နာ ဂေတ့် ဆီငဲ၊ န့ ဘော ကာဒုတ် ဟာဝ် မိူင် ဂါမေလ ဘော မိူင် ဆီဟုဝ်ရာလီဘာနာတ်။ 27 န့ ပီ ဝီ ဂူင် ဟာဝ် ဘ့လာက် နာ လေး ဆီငဲ၊ ဝီ ဟုဝ့် ဒီ မိူင် ဘေတ်ဒါဂူန်၊ ဘော ဝီ ကာဒုတ် ဟာဝ် ဒီ မိူင် ဇေဘူလူန် ဘော ဒီ ဒီလယ့် ယီဖာအေန်၊ ဝီ ဟုဝ့် ဘ့လာက် နာ ကွာ၊ ကော ဝီ ဟုဝ့် ဇမ် ဒီ မိူင် ဘေတ်အေမေက် ဘော မိူင် နာယေလ။ န့ ပီ ဝီ ဟာဝ် ဘ့လာက် နာ အာဂ မိူင် ကာဘူလ။ 28 န့ ဟာဝ် ဘော ဒီ မိူင် အာဘာဒူန်၊ မိူင် ရေဟူပ်၊ မိူင် ဟာမာအူန်၊ မိူင် ကာနာ၊ ကော ဝီ ဇမ် ဒီ မိူင် ဆီဒူန် အီ တာင်။ 29 ကာအုန် ကာဒါယ် ဂေ တီ၊ န့ ပီ ဝီ ဝိတ့် ဝိဝ် ဒီ မိူင် ရာမာ၊ ဘော ဟာဝ် ဒီ မိူင် ထူရုဝ် အီ မိုဝ်း ရဲင် တာင် အီ မန် ဆီချာ။ န့ ပီ ဝီ ဂူင် ဟာဝ် ဒီ မိူင် ဟုဝ်ဆာ ဘော ဟာဝ် ဇမ် ဒီ အိုမ် နမ်မုက်ဆာရာ ခူပ် ဒူင် စိူဝ် အာခါစိပ်။ 30 န့ ဘာ ဘော မိူင် အူမာ၊ မိူင် အေဖဲက် ဘော မိူင် ရေဟူပ် ဘော ရဝ် ဂေ တီ ဘောကာဂ့လျီတ်။ န့ ကွယ် အာ ဂိုဝ် ဒီ အာ မိူင်။

31 မိူင် ဂေ တီ၊ ဘော ရဝ် အီ ကွယ် နာ ရေတ့် မိူင် ဂေ တီ ဟဲ့ ဘဲန် တူတ့် ကာဒါယ် ခါဂုန် ခြိုဝ် အာဆေန် ဒူပ် န့ကြိုဝ်း မှဝ် န့ကြိုဝ်း အန်။

32 ဂေ ကာတာမ် စိုပ် န့ဒဝ်၊ န့ ဘော လေး အာဒါ ခြိုဝ် အာနာပ်ထာလီ ဒူပ် န့ကြိုဝ်း မှဝ် န့ကြိုဝ်း အန်။

33 ကာအုန် ကာဒါယ် ဂေ တီ ဘော စုး ဒီ မိူင် ဟေလဲပ်၊ ဝီ ဟာဝ် ဒီ ဟေ တာင် အီ ကွယ် ခဲင် ဒူင် စိူဝ် စာနာနိမ်၊ ဝီ ကာလုဝ်း ဟာဝ် ဘော ဒီ မိူင် အာတာမီနေဂဲပ် ဘော မိူင် ယာပါနေလာ၊ ကော ဝီ ဟာဝ် ဇမ် ဒီ မိူင် လာကုမ်။ န့ ဘော ဟာဝ် ဇမ် ဒီ ဘ့လဲင် အိုမ် ယောဒါန်။ 34 ကာအုန် ကာဒါယ် နာ ဂေတ့် ဆီငဲ ဝီ ဟာဝ် ဒီ မိူင် အာစာနူထာဘောရာ။ န့ စုး ဒီ တီ၊ ဟာဝ် ဒီ မိူင် ဟူခူက်။ ဘ့လာက် နာ တေတ့် န့ ဘော လေး ဒွက် ဒီ မိူင် ဇေဘူလူန်။ ဘ့လာက် နာ ဂေတ့် ဆီငဲ န့ ဘော ဒွက် ဒီ မိူင် အာဆေန် ဘော ဟာဝ် ဘ့လာက် နာ လေး ဆီငဲ၊ ဇမ် ခဲင် ကာဒါယ် မိူင် ယူဒါ အီ ကွယ် ခူပ် ဘ့လဲင် အိုမ် ယောဒါန် တွိုန်။ 35 မိူင် အီ မိုဝ်း ရဲင် အီ မန် ဆီချာ၊ န့ ဘော မုး မိူင် စေရိမ်၊ မိူင် စေရာ၊ မိူင် ဟာမာမာတ်၊ မိူင် ရာကာတ်၊ မိူင် ကီနာရေတ်၊ 36 မိူင် အာတာမာ၊ မိူင် ရာမာ၊ မိူင် ဟာစော၊ 37 မိူင် ကေဒေဆ၊ မိူင် အေတာရီ၊ မိူင် အေန်ဟာစော၊ 38 မိူင် အီရူန်၊ မိူင် မီတာလေလာ၊ မိူင် ဟောရိမ်၊ မိူင် ဘေတ်ဆာနာတ် ဘော မိူင် ဘေတ်ဆေမေတ်။ မိူင် ဂေ တီ ဘော ရဝ် အီ ကွယ် နာ ရေတ့် မိူင် ဂေ တီ ဘောကာဂ့လျီတ်၊ ဂေ ကွယ် ဂိုဝ် ဒီ ဒိမ် မိူင်။

39 မိူင် ဂေ တီ ဘော ရဝ် ဂေ ဘောကာဂ့လျီတ်၊ ဟဲ့ ဘဲန် တူတ့် ကာဒါယ် ခါဂုန် ဂေ ခြိုဝ် အာနာပ်ထာလီ န့ကြိုဝ်း မှဝ် န့ကြိုဝ်း အန်။

40 ဂေ ဝီ ကာတာမ် စိုပ် မ့ဘူ၊ န့ ဘော လေး အာဒါ ခြိုဝ် အာဒါန် ဒူပ် န့ကြိုဝ်း မှဝ် န့ကြိုဝ်း အန်။

41 မာန် မိူင် ဂေ ဘော မုး မိူင် ဇုဝ်ရာ၊ မိူင် အေဆာတောလာ၊ မိူင် အီရဆေမေတ်၊ 42 မိူင် ဆာလဘေမ်၊ မိူင် အာစာလုန်၊ မိူင် အီထာလာ၊ 43 မိူင် အေလူန်၊ မိူင် ထီမာနာ၊ မိူင် အေခြူန်၊ 44 မိူင် အေလာတေကာ၊ မိူင် ဂီဘေဆူန်၊ မိူင် ဘာလာတ်၊ 45 မိူင် ယေရုတ်၊ မိူင် ဘေနေဘြဝ်က်၊ မိူင် ဂါထရိမ်မူန်၊ 46 မိူင် မျေကုန်၊ မိူင် ရာဂုန် ဘော ကာဒါယ် အီ ကွယ် ဒီ အာတ့် မိူင် ယုဝ်ဖာ တွိုန်။ 47 ဂေ ခြိုဝ် အာဒါန် ယီ ဟဲ့ စှိုမ် မာန် မိူင် ဂေ တီ။ ဂေ ဘော ဝီ ရဲန် ဆိုက်၊ ဟာဝ် ကာဂုဝ်း ဒီ မိူင် လေဆာ။ ဟဲ့ ဟွတ့်၊ ဂေ ဘော ဝီ ပွိုန် မိူင် တီ၊ ဂေ ဘော တဲး မိူင် တီ စိူဝ် မိူင် ဒါန် ဒူပ် စိူဝ် ဂုန့် ဒင် ဂေ အီ မုး အာဒါန်။

48 မိူင် ဂေ တီ ဘော ရဝ် အီ ကွယ် နာ ရေတ့် မိူင် ဂေ တီ ဘောကာဂ့လျီတ် ဟဲ့ ဘဲန် တူတ့် ကာဒါယ် ခါဂုန် ဂေ ခြိုဝ် အာဒါန်၊ န့ကြိုဝ်း မှဝ် န့ကြိုဝ်း အန်။

49 ဂေ ဒူအီ အီဆာရေလ ဟဲ့ ဟွတ့် လာယ် ကာဆာင် ကာဒါယ် တီ ဒီ ဒွန် ခြိုဝ်၊ ဂေ ဘော ဝီ ကာဆာင် ဒွါ ဘော ဒီ အာယုဝ်ဆူအာ အီ မုး ဂွန် အာနုန်၊ တဲး န့ ဘဲန် ခါဂုန် ဒီ အန်၊ တဲး ဘော အန် ပွိုန်။ 50 ဂေ မိူဝ် ဒွါ မိူင် ပီ မှာန့် အန် အီ မုး မိူင် ထီမာနာဆေရာ အီ ကွယ် နာ ကွာ ကာဒါယ် အီ မိုဝ်း နွန် အီ စိူဝ် အာအေဖာရိမ်၊ တဲး န့ ဒူပ် ပဲ့ ဟဲ့ ကာလာင် အုန် ဇဝ်ဖြာ။ အန် ဘော ဒဲ မိူင် တာင် ဘော ကွယ် ဒီ တီ။

51 အာတီ ဟဲ့ ဘဲန် တူတ့် ကာဒါယ် ခါဂုန် ပဲ့ ဟဲ့ ကာဆာင် ဒါ အီ လှူ ဒီ ဇဝ်ဖြာ အီ စိူဝ် အာလေအာဆာ ဂါယ် အာယုဝ်ဆူအာ အီ မုး ဂွန် အာနုန် ဘော ဂေ ဒါ တာင် အီ အိုပ် ဂေ ဒူအီ အီဆာရေလ။ ဂေ ဟဲ့ ကာတာမ် လာယ် ကာဆာင် ဒီ ဂေ ဒူအီ အီဆာရေလ ဒီ အာတ့် ဇဝ်ဖြာ ဒေါ ကွယ် ဂေ ခဲင် မိူင် ဆီလုဝ် ခူပ် မာလုဝ်း ထိုပ် ဘိက် ဘွတ် တွိုန်။ ပါယ် တီ ဂေ ဘော လာယ် ကာဆာင် ကာဒါယ် တီ၊ တဲး န့ ကော ဟွတ့် တူတ့် ဒွန် မျုဝ်။