1 ဝါယ် အန် တီ န့ ဘော ဇမ် ဆီငဲ ဟဲ့ ဟွတ့် ဆမ် အာမုဝ်ဆဲ ထိုပ် ဘိက် ဘွတ်။ ဆီငဲ တီ အန် ဘော ဖဝ်း နာမန် ဒွန် ပ့လုဝ့် ဘော လှူ ထိုပ် ဘိက် ဘွတ် တီ။ အန် လှူ ဘော ခြိုင် တာ ခဲင် ထိုပ် ဘိက် ဘွတ် တီ ဒွန် မျုဝ်။ အန် လှူ ဘော ကာစှူင့် လှူ ဘော ခြိုင် ပီ လုဝ် စ်ု လုဝ် တာ ဒွန် မျုဝ်၊ တဲး န့ ဆီငါ။ 2 ဒေါ အန် တီ ဂေ ဒါ ကာညာ အီ အိုပ် မိူင် ဘော ဂေ အီ အိုပ် ခဲင် ခြိုဝ် ဂေ ဒူအီ အီဆာရေလ ဘော ဂေ အီ အိုပ် ဒွန် အီ အီ ဟဲ့ လိုပ် ခဲင် ဇာရာင်၊ ဂေ ဘော လှူ ဘဲန် မျုဝ် ဘဲန် မျုဝ်။ 3 ဂေ ဘော ဒိုဝ်း ပီ ဒီ လှူ ဂေ၊ တး လှူ နာ အာတ့် ထိုပ် ဘိက် ဘွတ်။ ပီ လှူ ဂေ တီ၊ န့ ဘော မုး လက်လဝ် ဒဝ် လှာင် ဘော မာမက် ဂိုဝ် ဒီ အာ ဒုဝ်။ ဒါ တာင် အာ ဝီ ဘော လှူ လက်လဝ် အူ လှာင်။ ဂေ ဘော လှူ ဘော မက် အူ ဝီ အူ ဒုဝ်။

4 ဝါယ် အန် တီ ဇဝ်ဖြာ ပီ ဝီ တဝ်း ဒီ အာမုဝ်ဆဲ၊ 5 “တဲး မဲ ဒိုဝ်း ပီ လှူ ဂေ တီ၊ တဲး န့ ဘဲန် ပီ ဒီ စ်ု ဂေ အီ ဘူင် ဂါန် ခဲင် ထိုပ် ဘိက် ဘွတ်။ တဲး မဲ ဝီ အာပ် ဒွါ ကြုဝ် တီ ဒီ ဂေ ဒူအီ အာလေဝီ၊ ဒွါ ဒီ ဂေ ခဲ့ ပီ လုဝ် ဘူင် ဂေ ဂါန် ဂေ။”

6 ဇဝ်ဖြာ ဟဲ့ ဟွတ့် ကာလာင် ပါယ် တီ အာမုဝ်ဆဲ ဘော ဒိုဝ်း လက်လဝ် ဘော မာမက် ဂေ တီ၊ ဝီ အာပ် ဒွါ ဒီ ဂေ ဒူအီ အာလေဝီ။ 7 အန် ဘော ဒိုဝ်း လက်လဝ် အာ လှာင် ဘော မာမက် အာ ဂူ၊ အာပ် ဒွါ ဒီ ဒူအီ အာမျုဝ် အာဂေန်ရာဆူန်၊ တဲး န့ ဒူပ် ခဲ့ ပီ ဘူင် ဂေ ဂါန် ဂေ။ 8 လက်လဝ် အာဒါ ဖွုန် လှာင် ဘော မာမက် ဖွုန် ဂူ၊ အန် ဝီ အာပ် ဒွါ ဒီ ဂေ ဒူအီ အာမျုဝ် အာမေန်ရာရီ၊ တဲး န့ ဒူပ် ခဲ့ ပီ ဘူင် ဂေ ဂါန် ဂေ။ န့ ယီ မုး ဂွန် အီမာယ် အာရူန် အီ စိူဝ် အာအီထာမာ တွိုန်၊ အန် ဘော ယွတ် ဘော အိုပ် ဂါန် ပီ ဘူင် ဂေ ဒွန် မျုဝ်။ 9 အီ မုး ဂေ ဒူအီ ခဲင် ဖိုင် အာခုဝ်ဟာတ်၊ အာမုဝ်ဆဲ ယီ တူ ဒွါ မာဆေ ဒီ ဂေ။ အန် တူ တဲး မာမက် ဂေ လဝ်။ ခုဝ်၊ ဂေ လုဝ် ကာဂွတ် ဟာဝ် ခြိုင် တာ အီ ဆီငါ ဘွတ် တွိုန်၊ အာဝ် ပွိုန် ဒါင် ဒဲင် လက်လဝ်။

10 ဒေါ ဟဲ့ ဟွတ့် ဖဝ်း ဂေ နာမန် ဒီ ကာစှူင့် လှူ၊ ဂေ ဒါ တာင် ဘော ဒိုဝ်း တး ပီ ဒီ လှူ ဂေ၊ ဘ့လေး ဒီ အာတ့် ကာစှူင့်၊ တဲး န့ ဘဲန် ဘ့လွယ် လှူ ကာစှူင့် တီ။ 11 ခုဝ်၊ ဇဝ်ဖြာ ဟဲ့ တဝ်း ဒီ အာမုဝ်ဆဲ၊ “ဒေါ ဘူင် ဘေ ဘ့လွယ် လှူ ကာစှူင့် လှူ တီ၊ တဲး ဂေ ဒါ တာင် တီ လှူ ပီ ဒီ လှူ ဂေ အူ ဆီငဲ အူ ဝီ အူ ဝီ။”

12 ပါယ် တီ ဆီငဲ ဒေါ ဂုဝ် အာနာဆူန် အီ မုး ဂွန် အာမီနာဒါပ် အီ မုး ခြိုဝ် အာယူဒါ၊ အန် ဟဲ့ လှူ ပီ ဒီ လှူ အန်။

13 ကြုဝ် ပီ လှူ အန် တီ၊ န့ ဘော မုး မ့ပါန် ရွိုန် အူ ဘူင့်။ န့ စန် အူ မာယဝ်း ဒီ အူယ် ဂိုဝ် ဆေခေန် အီ မုး မွက် ဒိမ် ခန်။ ဂေ ဘော ဆ ရွိုန် တီ၊ တာ ဘ့လေ ဆ ပီ အုန် ဂေ ခဲင် ဟူင် အီ ကွယ် ခူပ် ဒူင် ကြိုပ် ဂေ ဇဝ်ဖြာ။ န့ ဘော မုး ဘော ဆီလယ့် ရွိုန် အူ ဘ့လ။ စန် အန် ဘူ ဂိုဝ် ဆေခေန် အီ မုး မွက် ဖန် ခန်။ အန် ဟဲ့ ဟပ် ဘော ကာပဲ့ အီ ဟဲ့ ဟွတ့် ကာဝ်ု နာမန်၊ တဲး န့ နုဝ့် ခဲင် ဆီလယ့် တီ ဘော အာ ဘူင့်၊ တဲး န့ ဘဲန် ပီ လှူ ဒီဂါဝ် ဘဲန် မျုဝ် ဘဲန် မျုဝ်။ 14 အန် လှူ ဘော လဇုဝ် ခြိဝ် အူ ဘ့လ။ န့ ဘော စန် ဂိုဝ် ဆေခေန် အီ မုး မွက် အူ ခန်။ အန် လုဝ် ဟပ် န့ကြိုဝ်း အုး ငှုန် အီ ဘဲန် ပီ ဒီ ဒုဝ့် ခဲင် ငဝ်။ 15 အန် ဘော လှူ ဘော မာမက် အာလူင့် အူ ဒုဝ် အီ ဆီ ဒီတဲတ်၊ မာဘူ အာလူင့် အူ ဒုဝ် ဘော ဂွန် မာဘူ အာလူင့် အူ ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ဒုဝ့် ခဲင် ငဝ်။ 16 အန် ဘော လှူ ဘော မာပဲ အာလူင့် အူ ဒုဝ် အီ ဆီ ဒီတဲတ်၊ တဲး န့ ဘဲန် ပီ ဒီ လှူ အီ ဂဝ်း ဝဲန် မှာပ်။ 17 အန် ဘော လှူ မာမက် အာလူင့် အာ ဒုဝ်၊ မာဘူ အာလူင့် ဖန် ဒုဝ်၊ မာပဲ အာလူင့် ဖန် ဒုဝ် ဘော ဂွန် မာဘူ အာလူင့် ဖန် ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ကွယ် ကာဇု ဟူမ် ရိုမ်။ ခဲ့ တီ မုး ပီ လှူ အာနာဆူန် အီ မုး ဂွန် အာမီနာဒါပ်။

18 ဆီငဲ ဟာအာ န့ ဘော မုး အာနေထာနေလာ အီ မုး ဂွန် အာစူအာ အီ မုး ဒါ တာင် အီ အိုပ် ခဲင် ခြိုဝ် အာအီဆာခါ။ အန် ဘော လှူ ပီ ဒီ လှူ အန်။

19 ကြုဝ် ပီ လှူ အန် တီ၊ န့ ဘော မုး မ့ပါန် ရွိုန် အူ ဘူင့်။ န့ စန် အူ မာယဝ်း ဒီ အူယ် ဂိုဝ် ဆေခေန် အီ မုး မွက် ဒိမ် ခန်။ ဂေ ဘော ဆ ရွိုန် တီ၊ တာ ဘ့လေ ဆ ပီ အုန် ဂေ ခဲင် ဟူင် ဒူင် ကြိုပ် ဂေ ဇဝ်ဖြာ။ န့ ဘော မုး ဘော ဆီလယ့် ရွိုန် အူ ဘ့လ၊ စန် အန် ဘူ ဂိုဝ် ဆေခေန် အီ မုး မွက် ဖန် ခန်။ အန် ဟဲ့ ဟပ် ဘော ကာပဲ့ အီ ဟဲ့ ဟွတ့် ကာဝ်ု နာမန်၊ တဲး န့ နုဝ့် ခဲင် ဆီလယ့် ဘော အာ ဘူင့်၊ တဲး န့ ဘဲန် ပီ လှူ ဒီဂါဝ် ဘဲန် မျုဝ် ဘဲန် မျုဝ်။ 20 အန် လှူ ဘော လဇုဝ် ခြိဝ် အူ ဘ့လ။ န့ ဘော စန် ဂိုဝ် ဆေခေန် အီ မုး မွက် အူ ခန်။ အန် ဟဲ့ ဟပ် န့ကြိုဝ်း အုး ငှုန် အီ ဘဲန် ပီ ဒီ ဒုဝ့် ခဲင် ငဝ်။ 21 အန် ဘော လှူ ဘော မာမက် အာလူင့် အူ ဒုဝ် အီ ဆီ ဒီတဲတ်၊ မာဘူ အာလူင့် အူ ဒုဝ် ဘော ဂွန် မာဘူ အာလူင့် အူ ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ဒုဝ့် ခဲင် ငဝ်။ 22 အန် ဘော လှူ ဘော မာပဲ အာလူင့် အူ ဒုဝ်၊ တဲး န့ ဘဲန် ပီ ဒီ လှူ အီ ဂဝ်း ဝဲန် မှာပ်။ 23 အန် ဘော လှူ မက် အာလူင့် အာ ဒုဝ်၊ မာဘူ အာလူင့် ဖန် ဒုဝ်၊ မာပဲ အာလူင့် ဖန် ဒုဝ် ဘော ဂွန် မာဘူ အာလူင့် ဖန် ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ကွယ် ကာဇု ဟူမ် ရိုမ်။ ခဲ့ တီ မုး ပီ လှူ အာနေထာနေလာ အီ မုး ဂွန် အာစူအာ။

24 ဆီငဲ ဟာအူယ် န့ ဘော မုး အာအေလီအာပ် အီ မုး ဂွန် အာဟေလူန် အီ မုး ဒါ တာင် အီ အိုပ် ခဲင် ခြိုဝ် အာဇေဘူလူန်။ အန် ဘော လှူ ပီ ဒီ လှူ အန်။

25 ကြုဝ် ပီ လှူ အန် တီ၊ န့ ဘော မုး မ့ပါန် ရွိုန် အူ ဘူင့်။ န့ စန် အူ မာယဝ်း ဒီ အူယ် ဂိုဝ် ဆေခေန် အီ မုး မွက် ဒိမ် ခန်။ ဂေ ဘော ဆ ရွိုန် တီ၊ တာ ဘ့လေ ဆ ပီ အုန် ဂေ ခဲင် ဟူင် ဒူင် ကြိုပ် ဂေ ဇဝ်ဖြာ။ န့ ဘော မုး ဘော ဆီလယ့် ရွိုန် အူ ဘ့လ။ စန် အန် ဘူ ဂိုဝ် ဆေခေန် အီ မုး မွက် ဖန် ခန်။ အန် ဟဲ့ ဟပ် ဘော ကာပဲ့ အီ ဟဲ့ ဟွတ့် ကာဝ်ု နာမန်၊ တဲး န့ နုဝ့် ခဲင် ဆီလယ့် ဘော အာ ဘူင့်၊ တဲး န့ ဘဲန် ပီ လှူ ဒီဂါဝ် ဘဲန် မျုဝ် ဘဲန် မျုဝ်။ 26 အန် လှူ ဘော လဇုဝ် ခြိဝ် အူ ဘ့လ။ န့ ဘော စန် ဂိုဝ် ဆေခေန် အီ မုး မွက် အူ ခန်။ အန် ဟဲ့ ဟပ် န့ကြိုဝ်း အုး ငှုန် အီ ဘဲန် ပီ ဒီ ဒုဝ့် ခဲင် ငဝ်။ 27 အန် ဘော လှူ ဘော မက် အာလူင့် အူ ဒုဝ် အီ ဆီ ဒီတဲတ်၊ မာဘူ အာလူင့် အူ ဒုဝ် ဘော ဂွန် မာဘူ အာလူင့် အူ ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ဒုဝ့် ခဲင် ငဝ်။ 28 အန် ဘော လှူ ဘော မာပဲ အာလူင့် အူ ဒုဝ်၊ တဲး န့ ဘဲန် ပီ ဒီ လှူ အီ ဂဝ်း ဝဲန် မှာပ်။ 29 အန် ဘော လှူ မက် အာလူင့် အာ ဒုဝ်၊ မာဘူ အာလူင့် ဖန် ဒုဝ်၊ မာပဲ အာလူင့် ဖန် ဒုဝ် ဘော ဂွန် မာဘူ အာလူင့် ဖန် ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ လှူ အီ ကွယ် ကာဇု ဟူမ် ရိုမ်။ ခဲ့ တီ မုး ပီ ဒီ လှူ အာအေလီအာပ် အီ မုး ဂွန် အာဟေလူန်။

30 ဆီငဲ မ့ဖွုန်၊ န့ ဘော မုး အာအေလီစူ အီ မုး ဂွန် အာဆေတူရ အီ မုး ဒါ တာင် အီ အိုပ် ခဲင် ခြိုဝ် အာရူဘေန်၊ အန် ဘော လှူ ပီ ဒီ လှူ အန်။

31 ကြုဝ် ပီ လှူ အန် တီ၊ န့ ဘော မုး မ့ပါန် ရွိုန် အူ ဘူင့်။ န့ စန် အူ မာယဝ်း ဒီ အူယ် ဂိုဝ် ဆေခေန် အီ မုး မွက် ဒိမ် ခန်။ ဂေ ဘော ဆ ရွိုန် တီ၊ တာ ဘ့လေ ဆ ပီ အုန် ဂေ ခဲင် ဟူင် ဒူင် ကြိုပ် ဂေ ဇဝ်ဖြာ။ န့ ဘော မုး ဘော ဆီလယ့် ရွိုန် အူ ဘ့လ။ စန် အန် ဘူ ဂိုဝ် ဆေခေန် အီ မုး မွက် ဖန် ခန်။ အန် ဟဲ့ ဟပ် ဘော ကာပဲ့ အီ ဟဲ့ ဟွတ့် ကာဝ်ု နာမန်၊ တဲး န့ နုဝ့် ဘော အာ ဘူင့်၊ တဲး န့ ဘဲန် ပီ လှူ ဒီဂါဝ် ဘဲန် မျုဝ် ဘဲန် မျုဝ်။ 32 အန် လှူ ဘော လဇုဝ် ခြိဝ် အူ ဘ့လ။ န့ ဘော စန် ဂိုဝ် ဆေခေန် အီ မုး မွက် အူ ခန်။ အန် ဟဲ့ ဟပ် န့ကြိုဝ်း အုး ငှုန် အီ ဘဲန် ပီ ဒီ ဒုဝ့် ခဲင် ငဝ်။ 33 အန် ဘော လှူ ဘော မာမက် အာလူင့် အူ ဒုဝ် အီ ဆီ ဒီတဲတ်၊ မာဘူ အာလူင့် အူ ဒုဝ် ဘော ဂွန် မာဘူ အာလူင့် အူ ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ဒုဝ့် ခဲင် ငဝ်။ 34 အန် ဘော လှူ ဘော မာပဲ အာလူင့် အူ ဒုဝ်၊ တဲး န့ ဘဲန် ပီ ဒီ လှူ အီ ဂဝ်း ဝဲန် မှာပ်။ 35 အန် ဘော လှူ မာမက် အာလူင့် အာ ဒုဝ်၊ မာဘူ အာလူင့် ဖန် ဒုဝ်၊ မာပဲ အာလူင့် ဖန် ဒုဝ် ဘော ဂွန် မာဘူ အာလူင့် ဖန် ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ကွယ် ကာဇု ဟူမ် ရိုမ်။ ခဲ့ တီ မုး ပီ လှူ အာအေလီစူ အီ မုး ဂွန် အာဆေတူရ။

36 ဆီငဲ မ့ဖန်၊ န့ ဘော မုး အာဆေလူမေန် အီ မုး ဂွန် အာဇူရီဆာဒေ အီ မုး ဒါ တာင် အီ အိုပ် ခဲင် ခြိုဝ် အာဆီမေအူန်။ အန် ဘော လှူ ပီ ဒီ လှူ အန်။

37 ကြုဝ် ပီ လှူ အန် တီ၊ န့ ဘော မုး မ့ပါန် ရွိုန် အူ ဘူင့်။ န့ စန် အူ မာယဝ်း ဒီ အူယ် ဂိုဝ် ဆေခေန် အီ မုး မွက် ဒိမ် ခန်။ ဂေ ဘော ဆ ရွိုန် တီ၊ တာ ဘ့လေ ဆ ပီ အုန် ဂေ ခဲင် ဟူင် ဒူင် ကြိုပ် ဂေ ဇဝ်ဖြာ။ န့ ဘော မုး ဘော ဆီလယ့် ရွိုန် အူ ဘ့လ၊ စန် အန် ဘူ ဂိုဝ် ဆေခေန် အီ မုး မွက် ဖန် ခန်။ အန် ဟဲ့ ဟပ် ဘော ကာပဲ့ အီ ဟဲ့ ကာမွတ့် ဆီချာ၊ အီ ဟဲ့ ဟွတ့် ကာဝ်ု နာမန်၊ တဲး န့ နုဝ့် ဘော အာ ဘူင့်၊ တဲး န့ ဘဲန် ပီ လှူ ဒီဂါဝ် ဘဲန် မျုဝ် ဘဲန် မျုဝ်။ 38 အန် လှူ ဘော လဇုဝ် ခြိဝ် အူ ဘ့လ။ န့ ဘော စန် ဂိုဝ် ဆေခေန် အီ မုး မွက် အူ ခန်။ အန် ဟဲ့ ဟပ် န့ကြိုဝ်း အုး ငှုန် အီ ဘဲန် ပီ ဒီ လှူ အီ ဒုဝ့် ခဲင် ငဝ်။ 39 အန် ဘော လှူ ဘော မာမက် အာလူင့် အီ ဆီ ဒီတဲတ် အူ ဒုဝ်၊ မာဘူ အာလူင့် အူ ဒုဝ် ဘော ဂွန် မာဘူ အာလူင့် အူ ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ဒုဝ့် ခဲင် ငဝ်။ 40 အန် ဘော လှူ ဘော မာပဲ အာလူင့် အူ ဒုဝ်၊ တဲး န့ ဘဲန် ပီ ဒီ လှူ အီ ဂဝ်း ဝဲန် မှာပ်။ 41 အန် ဘော လှူ မာမက် အာလူင့် အာ ဒုဝ်၊ မာဘူ အာလူင့် ဖန် ဒုဝ်၊ မာပဲ အာလူင့် ဖန် ဒုဝ် ဘော ဂွန် မာဘူ အာလူင့် ဖန် ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ လှူ အီ ကွယ် ကာဇု ဟူမ် ရိုမ်။ ခဲ့ တီ မုး ပီ လှူ အာဆေလူမေန် အီ မုး ဂွန် အာဇူရီဆာဒေ။

42 ဆီငဲ န့ဒဝ်၊ န့ ဘော မုး အာအေလာဆာပ် အီ မုး ဂွန် အာတူလာ အီ မုး ဒါ တာင် အီ အိုပ် ခဲင် ခြိုဝ် အာဂတ်။ အန် ဘော လှူ ပီ ဒီ လှူ အန်။

43 ကြုဝ် ပီ လှူ အန် တီ၊ န့ ဘော မုး မ့ပါန် ရွိုန် အူ ဘူင့်။ န့ စန် အူ မာယဝ်း ဒီ အူယ် ဂိုဝ် ဆေခေန် အီ မုး မွက် ဒိမ် ခန်။ ဂေ ဘော ဆ ရွိုန် တီ၊ တာ ဘ့လေ ဆ ပီ အုန် ဂေ ခဲင် ဟူင် ဒူင် ကြိုပ် ဂေ ဇဝ်ဖြာ။ န့ ဘော မုး ဘော ဆီလယ့် ရွိုန် အူ ဘ့လ၊ စန် အန် ဘူ ဂိုဝ် ဆေခေန် အီ မုး မွက် ဖန် ခန်။ အန် ဟဲ့ ဟပ် ဘော ကာပဲ့ အီ ဟဲ့ ကာမွတ့် ဆီချာ၊ အီ ဟဲ့ ဟွတ့် ကာဝ်ု နာမန်၊ တဲး န့ နုဝ့် ဘော အာ ဘူင့်၊ တဲး န့ ဘဲန် ပီ လှူ ဒီဂါဝ် ဘဲန် မျုဝ် ဘဲန် မျုဝ်။ 44 အန် လှူ ဘော လဇုဝ် ခြိဝ် အူ ဘ့လ။ န့ ဘော စန် ဂိုဝ် ဆေခေန် အီ မုး မွက် အူ ခန်။ အန် ဟဲ့ ဟပ် န့ကြိုဝ်း အုး ငှုန် အီ ဘဲန် ပီ ဒီ ဒုဝ့် ခဲင် ငဝ်။ 45 အန် ဘော လှူ ဘော မာမက် အာလူင့် အူ ဒုဝ်၊ မာဘူ အာလူင့် အူ ဒုဝ် ဘော ဂွန် မာဘူ အာလူင့် အူ ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ဒုဝ့် ခဲင် ငဝ်။ 46 အန် ဘော လှူ ဘော မာပဲ အာလူင့် အူ ဒုဝ်၊ တဲး န့ ဘဲန် ပီ ဒီ လှူ အီ ဂဝ်း ဝဲန် မှာပ်။ 47 အန် ဘော လှူ မာမက် အာလူင့် အာ ဒုဝ်၊ မာဘူ အာလူင့် ဖန် ဒုဝ်၊ မာပဲ အာလူင့် ဖန် ဒုဝ် ဘော ဂွန် မာဘူ အာလူင့် ဖန် ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ကွယ် ကာဇု ဟူမ် ရိုမ်။ ခဲ့ တီ မုး ပီ လှူ အာအေလာဆာပ် အီ မုး ဂွန် အာတူလာ။

48 ဆီငဲ မ့ဘူ၊ န့ ဘော မုး အာအေလီဆာမာ အီ မုး ဂွန် အာမီဟုတ် အီ မုး ဒါ တာင် အီ အိုပ် ခဲင် ခြိုဝ် အာအေဖာရိမ်။ အန် ဘော လှူ ပီ ဒီ လှူ အန်။

49 ကြုဝ် ပီ လှူ အန် တီ၊ န့ ဘော မုး မ့ပါန် ရွိုန် အူ ဘူင့်။ န့ စန် အူ မာယဝ်း ဒီ အူယ် ဂိုဝ် ဆေခေန် အီ မုး မွက် ဒိမ် ခန်။ ဂေ ဘော ဆ ရွိုန် တီ၊ တာ ဘ့လေ ဆ ပီ အုန် ဂေ ခဲင် ဟူင် ဒူင် ကြိုပ် ဂေ ဇဝ်ဖြာ။ န့ ဘော မုး ဘော ဆီလယ့် ရွိုန် အူ ဘ့လ၊ စန် အန် ဘူ ဂိုဝ် ဆေခေန် အီ မုး မွက် ဖန် ခန်။ အန် ဟဲ့ ဟပ် ဘော ကာပဲ့ အီ ဟဲ့ ကာမွတ့် ဆီချာ၊ အီ ဟဲ့ ဟွတ့် ကာဝ်ု နာမန်၊ တဲး န့ နုဝ့် ဘော အာ ဘူင့်၊ တဲး န့ ဘဲန် ပီ လှူ ဒီဂါဝ် ဘဲန် မျုဝ် ဘဲန် မျုဝ်။ 50 အန် လှူ ဘော လဇုဝ် ခြိဝ် အူ ဘ့လ။ န့ ဘော စန် ဂိုဝ် ဆေခေန် အီ မုး မွက် အူ ခန်။ အန် ဟဲ့ ဟပ် န့ကြိုဝ်း အုး ငှုန် အီ ဘဲန် ပီ ဒီ ဒုဝ့် ခဲင် ငဝ်။ 51 အန် ဘော လှူ ဘော မာမက် အာလူင့် အူ ဒုဝ် အီ ဆီ ဒီတဲတ်၊ မာဘူ အာလူင့် အူ ဒုဝ် ဘော ဂွန် မာဘူ အာလူင့် အူ ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ဒုဝ့် ခဲင် ငဝ်။ 52 အန် ဘော လှူ ဘော မာပဲ အာလူင့် အူ ဒုဝ်၊ တဲး န့ ဘဲန် ပီ ဒီ လှူ အီ ဂဝ်း ဝဲန် မှာပ်။ 53 အန် ဘော လှူ မာမက် အာလူင့် အာ ဒုဝ်၊ မာဘူ အာလူင့် ဖန် ဒုဝ်၊ မာပဲ အာလူင့် ဖန် ဒုဝ် ဘော ဂွန် မာဘူ အာလူင့် ဖန် ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ကွယ် ကာဇု ဟူမ် ရိုမ်။ ခဲ့ တီ မုး ပီ လှူ အာအေလီဆာမာ အီ မုး ဂွန် အာမီဟုတ်။

54 ဆီငဲ န့ဒါ၊ န့ ဘော မုး အာဂါမာလေန် အီ မုး ဂွန် အာပေတာစူရ အီ မုး ဒါ တာင် အီ အိုပ် ခဲင် ခြိုဝ် အာမာနာဆေ။ အန် ဘော လှူ ပီ ဒီ လှူ အန်။

55 ကြုဝ် ပီ လှူ အန် တီ၊ န့ ဘော မုး မ့ပါန် ရွိုန် အူ ဘူင့်။ န့ စန် အူ မာယဝ်း ဒီ အူယ် ဂိုဝ် ဆေခေန် အီ မုး မွက် ဒိမ် ခန်။ ဂေ ဘော ဆ ရွိုန် တီ၊ တာ ဘ့လေ ဆ ပီ အုန် ဂေ ခဲင် ဟူင် ဒူင် ကြိုပ် ဂေ ဇဝ်ဖြာ။ န့ ဘော မုး ဘော ဆီလယ့် ရွိုန် အူ ဘ့လ၊ စန် အန် ဘူ ဂိုဝ် ဆေခေန် အီ မုး မွက် ဖန် ခန်။ အန် ဟဲ့ ဟပ် ဘော ကာပဲ့ အီ ဟဲ့ ဟွတ့် ကာဝ်ု နာမန်၊ တဲး န့ နုဝ့် ဘော အာ ဘူင့်၊ တဲး န့ ဘဲန် ပီ လှူ ဒီဂါဝ် ဘဲန် မျုဝ် ဘဲန် မျုဝ်။ 56 အန် လှူ ဘော လဇုဝ် ခြိဝ် အူ ဘ့လ။ န့ ဘော စန် ဂိုဝ် ဆေခေန် အီ မုး မွက် အူ ခန်။ အန် ဟဲ့ ဟပ် န့ကြိုဝ်း အုး ငှုန် အီ ဘဲန် ပီ ဒီ ဒုဝ့် ခဲင် ငဝ်။ 57 အန် ဘော လှူ ဘော မာမက် အာလူင့် အူ ဒုဝ် အီ ဆီ ဒီတဲတ်၊ မာဘူ အာလူင့် အူ ဒုဝ် ဘော ဂွန် မာဘူ အူ ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ဒုဝ့် ခဲင် ငဝ်။ 58 အန် ဘော လှူ ဘော မာပဲ အာလူင့် အူ ဒုဝ်၊ တဲး န့ ဘဲန် ပီ ဒီ လှူ အီ ဂဝ်း ဝဲန် မှာပ်။ 59 အန် ဘော လှူ မာမက် အာ ဒုဝ်၊ ဂွန် မာဘူ အာလူင့် ဖန် ဒုဝ်၊ မာပဲ အာလူင့် ဖန် ဒုဝ် ဘော ဂွန် မာဘူ ဖန် ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ လှူ အီ ကွယ် ကာဇု ဟူမ် ရိုမ်။ ခဲ့ တီ မုး ပီ ဒီ လှူ အာဂါမာလေန် အီ မုး ဂွန် အာပေတာစူရ။

60 ဆီငဲ န့ဒိမ်၊ န့ ဘော မုး အာဖီဒါန် အီ မုး ဂွန် အာကီတောနီ အီ မုး ဒါ တာင် အီ အိုပ် ခဲင် ခြိုဝ် အာဘေန်ယာမ်။ အန် ဘော လှူ ပီ ဒီ လှူ အန်။

61 ကြုဝ် ပီ လှူ အန် တီ၊ န့ ဘော မုး မ့ပါန် ရွိုန် အူ ဘူင့်။ န့ စန် အူ မာယဝ်း ဒီ အူယ် ဂိုဝ် ဆေခေန် အီ မုး မွက် ဒိမ် ခန်။ ဂေ ဘော ဆ ရွိုန် တီ၊ တာ ဘ့လေ ဆ ပီ အုန် ဂေ ခဲင် ဟူင် ဒူင် ကြိုပ် ဂေ ဇဝ်ဖြာ။ န့ ဘော မုး ဘော ဆီလယ့် ရွိုန် အူ ဘ့လ၊ စန် အန် ဘူ ဂိုဝ် ဆေခေန် အီ မုး မွက် ဖန် ခန်။ အန် ဟဲ့ ဟပ် ဘော ကာပဲ့ အီ ဟဲ့ ကာမွတ့် ဆီချာ၊ အီ ဟဲ့ ဟွတ့် ကာဝ်ု နာမန်၊ တဲး န့ နုဝ့် ဘော အာ ဘူင့်၊ တဲး န့ ဘဲန် ပီ လှူ ဒီဂါဝ် ဘဲန် မျုဝ် ဘဲန် မျုဝ်။ 62 အန် လှူ ဘော လဇုဝ် ခြိဝ် အူ ဘ့လ။ န့ ဘော စန် ဂိုဝ် ဆေခေန် အီ မုး မွက် အူ ခန်။ အန် ဟဲ့ ဟပ် န့ကြိုဝ်း အုး ငှုန် အီ ဘဲန် ပီ ဒီ ဒုဝ့် ခဲင် ငဝ်။ 63 အန် ဘော လှူ ဘော မာမက် အာလူင့် အီ ဆီ ဒီတဲတ် အူ ဒုဝ်၊ မာဘူ အာလူင့် အူ ဒုဝ် ဘော ဂွန် မာဘူ အာလူင့် အူ ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ဒုဝ့် ခဲင် ငဝ်။ 64 အန် ဘော လှူ ဘော မာပဲ အာလူင့် အူ ဒုဝ်၊ တဲး န့ ဘဲန် ပီ ဒီ လှူ အီ ဂဝ်း ဝဲန် မှာပ်။ 65 အန် ဘော လှူ မာမက် အာလူင့် အာ ဒုဝ်၊ မာဘူ အာလူင့် ဖန် ဒုဝ်၊ မာပဲ အာလူင့် ဖန် ဒုဝ် ဘော ဂွန် မာဘူ အာလူင့် ဖန် ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ကွယ် ကာဇု ဟူမ် ရိုမ်။ ခဲ့ တီ မုး ပီ လှူ အာဖီဒါန် အီ မုး ဂွန် အာကီတောနီ။

66 ဆီငဲ ဂိုဝ်၊ န့ ဘော မုး အာဟေစာ အီ မုး ဂွန် အာမီဆာဒေ အီ မုး ဒါ တာင် အီ အိုပ် ခဲင် ခြိုဝ် အာဒါန်။ အန် ဘော လှူ ပီ ဒီ လှူ အန်။

67 ကြုဝ် ပီ လှူ အန် တီ၊ န့ ဘော မုး မ့ပါန် ရွိုန် အူ ဘူင့်။ န့ စန် အူ မာယဝ်း ဒီ အူယ် ဂိုဝ် ဆေခေန် အီ မုး မွက် ဒိမ် ခန်။ ဂေ ဘော ဆ ရွိုန် တီ၊ တာ ဘ့လေ ဆ ပီ အုန် ဂေ ခဲင် ဟူင် ဒူင် ကြိုပ် ဂေ ဇဝ်ဖြာ။ န့ ဘော မုး ဘော ဆီလယ့် ရွိုန် အူ ဘ့လ၊ စန် အန် ဘူ ဂိုဝ် ဆေခေန် အီ မုး မွက် ဖန် ခန်။ အန် ဟဲ့ ဟပ် ဘော ကာပဲ့ အီ ဟဲ့ ကာမွတ့် ဆီချာ၊ အီ ဟဲ့ ဟွတ့် ကာဝ်ု နာမန်၊ တဲး န့ နုဝ့် ဘော အာ ဘူင့်၊ တဲး န့ ဘဲန် ပီ လှူ ဒီဂါဝ် ဘဲန် မျုဝ် ဘဲန် မျုဝ်။ 68 အန် လှူ ဘော လဇုဝ် ခြိဝ် အူ ဘ့လ။ န့ ဘော စန် ဂိုဝ် ဆေခေန် အီ မုး မွက် အူ ခန်။ အန် ဟဲ့ ဟပ် န့ကြိုဝ်း အုး ငှုန် အီ ဘဲန် ပီ ဒီ ဒုဝ့် ခဲင် ငဝ်။ 69 အန် ဘော လှူ ဘော မာမက် အာလူင့် အီ ဆီ ဒီတဲတ် အူ ဒုဝ်၊ မာဘူ အာလူင့် အူ ဒုဝ် ဘော ဂွန် မာဘူ အာလူင့် အူ ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ဒုဝ့် ခဲင် ငဝ်။ 70 အန် ဘော လှူ ဘော မာပဲ အာလူင့် အူ ဒုဝ်၊ တဲး န့ ဘဲန် ပီ ဒီ လှူ အီ ဂဝ်း ဝဲန် မှာပ်။ 71 အန် ဘော လှူ မာမက် အာလူင့် အာ ဒုဝ်၊ မာဘူ အာလူင့် ဖန် ဒုဝ်၊ မာပဲ အာလူင့် ဖန် ဒုဝ် ဘော ဂွန် မာဘူ အာလူင့် ဖန် ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ကွယ် ကာဇု ဟူမ် ရိုမ်။ ခဲ့ တီ မုး ပီ ဒီ လှူ အာဟေစာ အီ မုး ဂွန် အာမီဆာဒေ။

72 ဆီငဲ ဂိုဝ် ဒီ လှေး၊ န့ ဘော မုး အာဘာဂ့လဝ် အီ မုး ဂွန် အာအောခါရာ အီ မုး ဒါ တာင် အီ အိုပ် ခဲင် ခြိုဝ် အာဆေန်။ အန် ဘော လှူ ပီ ဒီ လှူ အန်။

73 ကြုဝ် ပီ လှူ အန် တီ၊ န့ ဘော မုး မ့ပါန် ရွိုန် အူ ဘူင့်။ န့ စန် အူ မာယဝ်း ဒီ အူယ် ဂိုဝ် ဆေခေန် အီ မုး မွက် ဒိမ် ခန်။ ဂေ ဘော ဆ ရွိုန် တီ၊ တာ ဘ့လေ ဆ ပီ အုန် ဂေ ခဲင် ဟူင် ဒူင် ကြိုပ် ဂေ ဇဝ်ဖြာ။ န့ ဘော မုး ဘော ဆီလယ့် ရွိုန် အူ ဘ့လ။ စန် အန် ဘူ ဂိုဝ် ဆေခေန် အီ မုး မွက် ဖန် ခန်။ အန် ဟဲ့ ဟပ် ဘော ကာပဲ့ အီ ဟဲ့ ကာမွတ့် ဆီချာ၊ အီ ဟဲ့ ဟွတ့် ကာဝ်ု နာမန်၊ တဲး န့ နုဝ့် ဘော အာ ဘူင့်၊ တဲး န့ ဘဲန် ပီ လှူ ဒီဂါဝ် ဘဲန် မျုဝ် ဘဲန် မျုဝ်။ 74 အန် လှူ ဘော လဇုဝ် ခြိဝ် အူ ဘ့လ။ န့ ဘော စန် ဂိုဝ် ဆေခေန် အီ မုး မွက် အူ ခန်။ အန် ဟဲ့ ဟပ် န့ကြိုဝ်း အုး ငှုန် အီ ဘဲန် ပီ ဒီ ဒုဝ့် ခဲင် ငဝ်။ 75 အန် ဘော လှူ ဘော မာမက် အာလူင့် အီ ဆီ ဒီတဲတ် အူ ဒုဝ်၊ မာဘူ အာလူင့် အူ ဒုဝ် ဘော ဂွန် မာဘူ အူ ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ဒုဝ့် ခဲင် ငဝ်။ 76 အန် ဘော လှူ ဘော မာပဲ အာလူင့် အူ ဒုဝ်၊ တဲး န့ ဘဲန် ပီ ဒီ လှူ အီ ဂဝ်း ဝဲန် မှာပ်။ 77 အန် ဘော လှူ မာမက် အာ ဒုဝ်၊ ဂွန် မာဘူ အာလူင့် ဖန် ဒုဝ်၊ မာပဲ အာလူင့် ဖန် ဒုဝ် ဘော ဂွန် မာဘူ ဖန် ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ လှူ အီ ကွယ် ကာဇု ဟူမ် ရိုမ်။ ခဲ့ တီ မုး ပီ ဒီ လှူ အာဘာဂ့လဝ် အီ မုး ဂွန် အာအောခါရာ။

78 ဆီငဲ ဂိုဝ် ဒီ ဟာအာ၊ န့ ဘော မုး အာဟီရ အီ မုး ဂွန် အာအေနန် အီ မုး ဒါ တာင် အီ အိုပ် ခဲင် ခြိုဝ် အာနာပ်ထာလီ။ အန် ဘော လှူ ပီ ဒီ လှူ အန်။

79 ကြုဝ် ပီ လှူ အန် တီ၊ န့ ဘော မုး မ့ပါန် ရွိုန် အူ ဘူင့်။ န့ ဘော စန် အူ မာယဝ်း ဒီ အူယ် ဂိုဝ် ဆေခေန် အီ မုး မွက် ဒိမ် ခန်။ ဂေ ဘော ဆ ရွိုန် တီ၊ တာ ဘ့လေ ဆ ပီ အုန် ဂေ ခဲင် ဟူင် ဒူင် ကြိုပ် ဂေ ဇဝ်ဖြာ။ န့ ဘော မုး ဘော ဆီလယ့် ရွိုန် အူ ဘ့လ။ စန် အန် ဘူ ဂိုဝ် ဆေခေန် အီ မုး မွက် ဖန် ခန်။ အန် ဟဲ့ ဟပ် ဘော ကာပဲ့ အီ ဟဲ့ ကာမွတ့် ဆီချာ၊ အီ ဟဲ့ ဟွတ့် ကာဝ်ု နာမန်၊ တဲး န့ နုဝ့် ဘော အာ ဘူင့်၊ တဲး န့ ဘဲန် ပီ လှူ ဒီဂါဝ် ဘဲန် မျုဝ် ဘဲန် မျုဝ်။ 80 အန် လှူ ဘော လဇုဝ် ခြိဝ် အူ ဘ့လ။ န့ ဘော စန် ဂိုဝ် ဆေခေန် အီ မုး မွက် အူ ခန်။ အန် ဟဲ့ ဟပ် န့ကြိုဝ်း အုး ငှုန် အီ ဘဲန် ပီ ဒီ ဒုဝ့် ခဲင် ငဝ်။ 81 အန် ဘော လှူ ဘော မာမက် အာလူင့် အီ ဆီ ဒီတဲတ် အူ ဒုဝ်၊ မာဘူ အာလူင့် အူ ဒုဝ် ဘော ဂွန် မာဘူ အာလူင့် အူ ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ ဒီ လှူ အီ ဒုဝ့် ခဲင် ငဝ်။ 82 အန် ဘော လှူ ဘော မာပဲ အာလူင့် အူ ဒုဝ်၊ တဲး န့ ဘဲန် ပီ ဒီ လှူ အီ ဂဝ်း ဝဲန် မှာပ်။ 83 အန် ဘော လှူ မာမက် အာလူင့် အာ ဒုဝ်၊ မာဘူ အာလူင့် ဖန် ဒုဝ်၊ မာပဲ အာလူင့် ဖန် ဒုဝ် ဘော ဂွန် မာဘူ အာလူင့် ဖန် ဒုဝ် အီ ဟဲ့ နုဝ့် အူ ဆီနမ်၊ တဲး န့ ဘဲန် ပီ လှူ အီ ကွယ် ကာဇု ဟူမ် ရိုမ်။ ခဲ့ တီ မုး ပီ ဒီ လှူ အာဟီရ အီ မုး ဂွန် အာအေနန်။

84 ပါယ် တီ ခဲ့ ကွယ် ဂေ အီ မုး ဒါ တာင် အီ အိုပ် ဂေ ဒူအီ အီဆာရေလ ဂိုဝ် ဒီ အာ ဝီ တီ၊ ဂေ ဘော တး လှူ ပီ ဒီ လှူ ဂေ တီ၊ တဲး ဂေ ဘူင် ဘ့လွယ် လှူ ဂေ ကာစှူင့် လှူ တွိုန်။ ခဲ့ ကွယ် ကြုဝ် ပီ တာ လှူ ဂေ ဘောကာဂ့လျီတ်၊ န့ ဘော မိုဝ်း မ့ပါန် ရွိုန် ဂိုဝ် ဒီ အာ ဘူင့်။ ဆီလယ့် ရွိုန် ဂိုဝ် ဒီ အာ ဘ့လ ဘော လဇုဝ် ခြိဝ် ဂိုဝ် ဒီ အာ ဘ့လ။ 85 မ့ပါန် ရွိုန် ဒွန် ဘူင့်၊ န့ ဘော စး အူ မာယဝ်း ဒီ အူယ် ဂိုဝ် ဆေခေန် အီ မုး မွက် ဒိမ် ခန်။ ဆီလယ့် ရွိုန် ဒွန် ဘ့လ၊ န့ ဘော စန် ဘူ ဂိုဝ် ဆေခေန် အီ မုး မွက် ဖန် ခန်။ မ့ပါန် ဂေ ဆီလယ့် တီ ဘောကာဂ့လျီတ် ဘော စန် အာ ဟြဲန့် ဒီ ဖွုန် မာယဝ်း ဆေခေန် အီ မုး မွက် ဂိုဝ် ဒီ ဒါ ဆ။ ဂေ မိူဝ် ဟဲ့ ဆ ရွိုန် တီ၊ တာ ဘ့လေ ဆ ပီ အုန် ဂေ ခဲင် ဟူင် ခူပ် ဒူင် ကြိုပ် ဂေ ဇဝ်ဖြာ။ 86 လဇုဝ် ခြိဝ် ပဲ့ ဟဲ့ ဟပ် ဂေ န့ကြိုဝ်း အုး ငှုန် တွိုန်၊ ဒွန် ဘ့လ၊ န့ ဘော စန် ဂိုဝ် ဆေခေန် အီ မုး မွက် အူ ခန်။ ဂေ ဟဲ့ ဆ ခြိဝ် တီ၊ တာ ဘ့လေ ဆ ပီ အုန် ဂေ ခဲင် ဟူင် ဒူင် ကြိုပ် ဂေ ဇဝ်ဖြာ။ လဇုဝ် တီ ဘောကာဂ့လျီတ်၊ န့ ဘော စန် အူ မာယဝ်း ဒီ အာ ဂိုဝ် ဆေခေန် အီ မုး မွက် ဒိမ် ခန်။ 87 ဒုဝ် ဆတ်ဒါဝါ ဘောကာဂ့လျီတ် ပဲ့ ဟဲ့ လှူ ဂေ တဲး န့ ဘဲန် ပီ လှူ အီ ဒုဝ့် ခဲင် ငဝ်၊ န့ ဘော မုး မက် အာလူင့် အီ ဆီ ဒီတဲတ် ဂိုဝ် ဒီ အာ ဒုဝ်၊ မာဘူ အာလူင့် ဂိုဝ် ဒီ အာ ဒုဝ်၊ ဂွန် မာဘူ အီ ဟဲ့ နုဝ့် အူ ဆီနမ် ဂိုဝ် ဒီ အာ ဒုဝ်။ ဂေ ဘော လှူ ဘော ဒီဂါဝ် ဘဲန် မျုဝ် ဘဲန် မျုဝ် ဒူပ် ဒုဝ် ဆတ် ဂေ တီ။ ဂေ ဘော လှူ ဘော မာပဲ အာလူင့်၊ တဲး န့ ဘဲန် ပီ လှူ အီ ဂဝ်း ဝဲန် မှာပ်။ 88 ဒုဝ် ဆတ်ဒါဝါ ဘောကာဂ့လျီတ် ပဲ့ ဟဲ့ လှူ ဂေ တဲး န့ ဘဲန် ပီ ဒီ လှူ အီ ကွယ် ကာဇု ဟူမ် ရိုမ်၊ န့ ဘော မုး မက် အာလူင့် အာ ဂိုဝ် ဒီ ဖွုန် ဒုဝ်၊ မာဘူ အာလူင့် ဒဝ် ဂိုဝ် ဒုဝ်၊ မာပဲ အာလူင့် ဒဝ် ဂိုဝ် ဒုဝ်၊ ဘော ဂွန် မာဘူ အီ ဟဲ့ နုဝ့် အူ ဆီနမ် ဒဝ် ဂိုဝ် ဒုဝ်။ ခဲ့ တီ ဂေ ဟဲ့ လှူ ဒေါ ဘူင် ဂေ ဘ့လွယ် လှူ ကာစှူင့် လှူ တီ။

89 ဝါယ် အန် တီ အာမုဝ်ဆဲ ဘော လိုပ် ခဲင် ထိုပ် ဘိက် ဘွတ် အီ မုး ဒူင် လာယ် ကာတုန့် ဇဝ်ဖြာ ဂါယ် ဒူအီ။ ဒေါ ဟာဝ် အန် ဒူင် တီ၊ တဲး အန် ကာလာင် ဂြုဝ်း ဒီ ဇဝ်ဖြာ၊ အန် ဘော ယိုဝ် ဂြုဝ်း အီ လေး တး နာ ကာတဲ ရာင် အာမူ အာမာတ် ဇဝ်ဖြာ အီ စိူဝ် ခေရုပ် အီ ကွယ် ဒဲင် ဆီဘ့လိုက် ဇီဒိူက် တွိုန်။ ဇဝ်ဖြာ ဘော ကာလာင် ဂြုဝ်း ဒီ အန်။ ဒီ ကာတဲ ရာင် အာမူ အာမာတ် ဇဝ်ဖြာ အီ ကွယ် ဒဲင် ဆီဘ့လိုက် ဇီဒိူက် တီ၊ န့ ဘော မုး ဒူင် ကွယ် ဇဝ်ဖြာ၊ ဒူင် ပီ ဘျ ဇဝ်ဖြာ လွင် ကာဝေ အန် ဒူအီ။