Taitus sa fi mana e uma Juda. Ka mouli e wu bilipye Manwamo Yesus ka waiye yukaine Kristen wongke, wu mewmew Pol e mouli e Pol yangkeye ompla e wone yukaine aposel. Nanrona fane Pol e yuplen Taitus waiye ailan Krit fa ee yuruye ommo e sios e mokoi namo. Piparola e isi yireye nanrona nale e nu uma e ailan Krit namo sa fi sam uporo. Nanrona fane mana e yire fa ee pai ririye ompla ka nu umpinuma e sios namo ee sam yupuneye nale e uporo nro. Ingke, Pol yukune Taitus rokoi e fa nukulene nu umpinuma. Nu umpinuma namo, sa nu umpinuma almari ka nu efapu, pinmangkrama ka nu wokboi siwole. Ka mi rola pitiri e piparola nam sa yire nanrona, Taitus ee as yukuleye nu umapinuma fa ee as naine wolapuna wokera ka nangke nale uporo nu uma plai. Se nu ee fi minuforo nu plai ka nemnopune mi.