Timoti yane Pol fa nempuru nangkene ompla plainre nanrona fane, Pol yeꞌre piparola nam pai fa e yukuye Timoti nale uporo wu ee yupuneye. Timoti e fi yaꞌnpalo ompla wongke ee yeingkeye wu ee yangke fafaile bilip e woneni ka wu won, ee fi nalaplaiye e wu yoproye miuporo e Yesus Krais. Wu e sam yupuneye mi e God. Ee nu uma naꞌne eni wu, wu e fi wolayaureye ompla namo. Wu ee yeri kero ka yangke ompla yukaine oi God yaꞌneye wone. Timoti e fi ripi angkreniye mi fafai wongkwongkeni e nu uma e ira fafaile namo. Mi fafai namo, fa yangke fafaileye laip e nu uma ee ripi naranane mi namo. E uporo wone, sa Timoti ee sam yuruye nale e Pol ka e yupuneye. Wu ee sam yupuneye nale e fa bilip kerone ka naine wolapuna raulo ka wola sam naꞌnene nu uma plai ka nungkamone eni.