Timoti sa Kristen keklepe wongke e taun Listra e yeye provins Galesia. Moka sa pin e uma Juda ka nangka sa mana e uma Grik. Pol yumane Timoti yane raine mokoi mokoi ka Pol yangkeye ompla e misin woneni (puru mi e wileye buk e Aposel 16:1-3). Ingke se, sa Timoti ke yem wok e fa pai ririye sios e taun Efesus fane Pol ke yeꞌre piparola nam pai wu. Piparola wongke oi mirale yireye wu sa: Timoti ee sam saimoye yeka nu uma plai ee ni ka ee neinmaire ira e nu umapinkongkom ka ee nirene nanrona, ommo e pike nam sa fi uporo. Nanrona fane le mana wongke yire fa ee yem laip e uporo, wu ee yasiniye ommo plai e fa none ka ee fi yempin. Ka ompla wongke e piparola nam plau sa e yireye nanrona: Rokoi uporo e fa nurune lotu ka fa nangkene ompla e sios. Ka pekimo e mi nam sa e yoproye Timoti ee sam waiye mana uporo nro ka ee yangkeye ompla e Yesus Krais ka nale e wu sa ee as yangke uporoye nu umpinuma e nainene sios.