Filemon namo, wu sa manawamo wongke. Wu sa Kristen wongke e taun Kolosi. Wokboi wongke wunini noula e wu sa Onesimus, wu e yangke ommo plai kukakre ka yulpalo yupone wu ka pai waiye taun wongke. Ka e taun e wu pai waiyeye namo, wu yuru Pol ka Pol mewmew wu ka wu namale Manawamo ka wu bilip ka waiye yukaine Kristen wongke. E mouli namo, Pol e waiye kalabusye Rom fane ee fi pai yuru Filemon. Fane wu yeꞌre piparola wongke ka yane Onesimus yuna pai yane manawamo e woneni. Ka mi e wile piparola namo, Pol yireni Filemon ee fi ouwyireye wokboi e woneni. E fika, wokboi woneni namo, e bilip Manawamo ka waiye yukaine Kristen wongke pu. Nanrona fane, e noula e Manawamo Yesus, Filemon ee yem wu kore ka yuru wu yukaine e inu woneni.