Mi nile piparola mee fei yoplo mi alele empo fina isi yeꞌre piparola mee. Mana namo fina yeꞌre piparola mee youw wu wone nanrona “ilamana” empo sios empo God. Mi mingklari empo histri empo Kristen sios noplo mi alele nanrona piparola mee empo isi yolowi Jon. Ka Jon namo, sa aposel namo fina isi samo rere plau Jisas ka yangke ommo wunini. Nu saveman mingklari empo Baibel wola nanrona Jon wone isi yeꞌre piparola namo paiyi nu pinuma empo sios wongke ka nouw sios namo nanrona “pinalma” ka wu “pinmela” empo sios wongke namo sa wiye mokoi Jon waiyeye. Jon yire nu ese samo wolanane nu plai ka nu ese naine amone empo nu uma fai kalnirene. Nu uma namo fai kalnirene nu sa uma fai nenmaire ka samo nisnoline mi empo God. Empo Jon yeꞌre piparola mee paiyi, nu aposel mingklari empo Jisas namo, sa isi rili pu. Ka empo taim namo, tikse mingklari fai kalnirene namo, won naraine ka nenmaire wolpuna empo nu uma Kristen ese nupele nu ese nem wolpuna fafaile Jisas. Nanrona fane piparola mee sa fai kelyane nu uma Kristen namo ese neli kelo empo bilip ka nupene mi alwone namo empo God isi nu nemne pu ka yolowi mele ka waiye yukaine nu foli uporo wamo plau God. Ka empo piparola namo, Jon yali miuporo nu uma Kristen fai nu ese neri mow rama empo nu tikse fai kalnirene namo.