Mi empo nile piprola mee fei yire alele fina sa yeꞌre piprola mee. Mana empo yeꞌre piprola namo youw wone nanrona “ilamana” empo sios empo God. Mi mingklari empo histri empo Kristen sios yire alele nanrona piprola namo sa yolowi Jon. Ka Jon sa aposel namo isi waiye eklene plau Jisas. Jon yeꞌre piprola namo paiyi Gaius, ka mana Gaius namo sa mana fina isi yangke nale uporo fai yopaliye nu Kristen pinuma empo sios empo Jon, uma fopi fai nupone mokoi namo ka painri mokoi wongke fai noplo mi alwone empo God empo noula empo Jisas Krais.

Jon yeꞌre piprola namo fai ese kelyane Gaius empo nale fai yopale nu Kristen fopi empo fai nangke ommo empo Manawamo. Empo mone mangke nanrona ka mone mewmew nu plai fopi fai noplo mi alwone empo God, mone muku bilip moneni ka memei memoku mangke ommo plau God ka nu plai fopi fai nangke ommo empo God. Ka re Jon kelyane Gaius ese yeli kelo nale empo fai mewmewne nu Kristen ka Jon re kelyane Gaius ese fei yupene nale empo ila mana wongke noula Diotrefes fina fei fai yangke nale uporo ese fei yupu nu Kristen plai painri noplo mi empo God mow wunini. Ka Jon youw noula empo mana wongke noula wunini Demitrius ka nale empo wu fai yuku alele nanrona wu namale God. Nanrona fane mi nomu empo piprola mee fai ese kelyane nale empo fai bilipne fai wolnaline nu plai ka nenrulo rama fai nu Kristen plai ese noplo mi alwone empo God.