Timoti yane Pol nempulu nangke ommo nanrona fane, Pol yeꞌre piparola mee paiyi Timoti ese yukune nale uporo wu ese yupene. Timoti ese fei yimane ommo nengke wu ese yangke fafaile bilip woneni ka re, wu ese fei mi pepeli empo yoplo miuporo empo Jisas Krais. Wu ese samo yupene mi empo God. Empo nu uma nane eni wu, wu ese fei wolyaule ommo namo. Wu ese yeli kelo ese yangke ommo yukaine God isi yane wu. Timoti ese fei ripi yalana mi fafaile wongkwongkeni empo nu uma ila fafaile namo. Mi fafaile namo, fai yangke fafaile laip empo nu uma empo nu nupu mi namo. Ese uporo wamo, la Timoti samo yulu nale empo Pol ka wu yupene. Wu ese yupene nale fai bilip kelo ka waiye wolpuna raulo ka wolyane nu uma plai wamo ka yungkam eni.