Timoti sa Kristen keklepe wongke empo taun Listra waiye provins Galesia. Moka wunini sa nu uma Juda pin ka nangka wunini sa nu uma Grik mana. Pol yem Timoti yane wu naraine mokoi mokoi ka Pol yangke ommo misin woneni (pulu mi wiye buk Aposel 16.1-3). Kingke se, Timoti yem wok fai paiyi risiye sios empo taun Efesus fane Pol yeꞌre piparola mee paiyi wu. Ompla emen piparola mee yireye sa: Timoti ese saimoye nu uma plai ese noloni ka nenmaire wolpuna empo nu pinuma ka nu ese nupone bilip nunini. Uma namo fai kalnanili mi fai nire nanrona, ommo empo pike mee sa fei uporo. Nanrona fane la mana yire yem laip uporo, wu ese yaukiri ommo plai ka wu ese fei yem pin. Ka ompla wongke empo piparola mee yireye: sa yireye rokoi uporo fai nopanene lotu ka nangke ommo empo sios. Ka pekimo empo piparola mee sa yire Timoti ese waiye mana uporo fai yangke ommo empo Jisas Krais ka nale wu ese yangkeye sa paiyi nu pinuma empo nainene sios.