Yesu Wi Kpra Tre Ŋga Ki Sɛni
15
Yesu na yo mbo, “Mi wi kpra tre tiŋge ŋga ki sɛni kre, a ni Lɛ wi ki lefun.
2 Ni klɛ ŋga ki n na sɛni kre, we ki kun mbe wa, a klɛ ŋga ki sɛni kre, we ki mbɛɛlɛ wɔ, imi kie pe mbe ki sɛ nɛɛrɛ.
The Vine and the branches (John 15:1-17)
3 Kee nyjɛ ni yo e pan ŋga ndra na, e pe chasi.
4 E tni ni nu, mbe ni tni e nu. Imi na, na klɛ n kan tiŋge na kia jaa sɛ kre, pan chɔɔ, na e n tni ni nu yaa jaa yaka pe.
5 Mi wi tre tiŋge kre, a yire lɛ ki klɛ yire. Ŋmba we tni ni nu, mbe ni tni u nu kre, we sɛ tataara, la, na e n tni ni nu, yaa jaa yaka pe.
6 Ŋmba u n tni ni nu kre, pie u kun mbe wa na tiŋge klɛ yi, mbe yi yua, mbe pe yi koli mbe le kanhun mbe yi shɔ.
7 Na e tni ni nu, a ni kee tni e nu, na e yira ŋga e chaa kro tali, ee ki ta.
8 Ŋga kie ni Lɛ wre ŋga yɛnyiŋge yi na, ee sɛnyi tataara sɛ. Kie ti mbe leele chin na ni twanfɛɛnlɛ lɛ yire.
9 Imi na ni Lɛ ni kori kre, pan ni e kori, kena e tni ni koroo nu.
10 Na e li ni mbra na, ee tni ni koroo nu, imi na ni li ni Lɛ mbra na, mu tni u koroo nu kre.
Mbakɔ Yɛshɔɔrɔ
11 Ni yire kee nyjɛ yo e pan, imi kie pe mbe ni yɛshɔɔrɔ kro e nu, mbe e yɛshɔɔrɔ ta poŋgo.
12 Ni mbra ŋga ni leni e pan yi na, e eyɛ kori, imi ni e kori kre.
13 Koroo kpɔɔ ka n da na ŋga ni, na lewo we ku u nɔɔlɔ tlo.
14 Ŋga mbe yo e pe kre, na e ki pe, ee pe ni nɔɔlɔ.
15 Mba e yeeri sumifɛɛnlɛ na. Ŋgi na hin? Sumifun n chin ŋga u tafun pini. Ni e yeeri nɔɔlɔ. Ŋgi na hin? Kee nyjɛ ni loo ni Lɛ pan kre, ni yi yo e pan kro.
16 Yire ma e ni wɔ, la, mi ni e wɔ, na e sɛ sɛnyi tataara nyjɛ yia kla sɛ. Kie ti ni Lɛ wre e ŋga yira ŋga ee tali ni mɛɛ nu kro.
17 Kena ŋga ni yuu e pan yi na, e eyɛ kori.”
Waŋgra Prara
18 “Na waŋgra ŋga wolo e pra kre, e chin na mi pe klu mu pra.
Jesus warns about persecution (John 15:18–16:4)
19 Na e na pe waŋgra wolo kre, waŋgra wolo we naa e kee chaa, na pe wolo lɛ yire. La, ŋga mi e wɔ mu yili waŋgra nu, a e n pe pe wolo na kre, kre ki tia pe e pra.
20 E kee ŋga ndaa yo e pan kre sɔɔnri, na sumifun n wɛ u tafun na. Na pe tia ni kala nya kre, pie ti mbe e kala nya ma na. A na pe li ni kee na kre, kena pie li e wee na na.
21 Pie ti mbe e kanyana nyjɛ kro nya, ŋga e pe ni wolo, a pe n ŋmba u ni tun wre chin kre ndra na.
22 Na ni nsra pan mu paara pe pan, ka pia na sisam pimi li. La, fuŋgaami ŋga, pe n wa sisam nyu wɔɔ ka ni na.
23 Ŋmba u ni pra kre, u ni Lɛ wre pra na.
24 Ni kee nyjɛ ndro n da mu pe tun pe, a pe nya. Na kre ma, ka pe n pimi li. La ni yire kee nyjɛ pe a pe nya, mu je mu mi na ni lɛ wre pra.
25 Kre kee ŋga fna mbe pe ma, mbe ki ti ŋga pra nyunɔ pe mbra yire nu mu tɛɛ yire pe kpra mbo,
‘Pe ni pra finfin.’a