2
Jonah naa wa mbro wre lɛɛ, mna nyɛni mu u Tafun Nyiɛkpɔɔ yeeri mbo,2 “O Tafun Nyiɛkpɔɔ,
ndaa wa kanyana kpɔɔ nu,
a ndaa nyɛni mu mu yeeri,
a mna loo ni pan.
Ndaa yire kuulo ndoo
mu mu yeeri,
a mna shɔ ni pan.
3 Mna ni viŋge mu wa
epo latɛɛ nu,
hali a ndaa sɛ tni ki tapan,
a nyumu kre na ni tɔ poŋgo,
a kraa mbapilɛ waa
na tro ni ndra na.
4 Ndaa jawa na mu ni ni
mu flo mu yiɛ,
mbe ma mu Suminyuŋgo
cheche kre nya na.
5 Epo kre naa ni li,
a ndaa mbra kumu na,
hali kra nyjɛ yiraa wa
nyumu kre nu,
na ni ndra tɔ poŋgo.
6 Ndaa tii mna sɛ lɔɔ kre tapan,
hali mna sɛ le nyuɛ nɔɔ na.
Ndaa sɛ le lawee ŋga jlonwee nyu
krɔ pe kan kimkim nu.
La, ŋu ni Tafun Nyiɛkpɔɔ,
ŋu mna ni shɔ mu yili
lawee jijuom kre nu.
7 Ni Tafun Nyiɛkpɔɔ,
ŋga ndaa nya na ni nyiɛ fɛ
ni kro kre,
ndaa nyɛni mu mu yeeri,
a ni nyɛnɛɛ kre na da mu na,
mu Suminyuŋgo cheche wa.
8 Leele mblɛ pe kun
mu mbra Sɛɛnlɛ na pre,
pe laa mu dumiɛ
ŋga mu na pe ŋga kre kro.
9 La, mi rɛ, mbe mɛɛ kɔ
mbe mu ŋga mboo,
mbe sra wɔ mbe mu ŋga.
A yira ŋga nyu ni wru kre,
mbe ki wɔ.
O Tafun Nyiɛkpɔɔ,
ŋu mu ŋmaashɔmu kaan.”
10 O Tafun Nyiɛkpɔɔ na tia mbro wre na sɛ Jonah jlo mu tɛɛ tra waa na.