Kprakuɔn Haŋa
13
Jle kre, na Ephraim jlomkre leele paara kre,
mbe Israel jlom hɛnyi
yire na seeri,
a pe yiɛ naa wa pe na.
La, Ephraim jlom kre leele,
na sɛ sɛɛn Baal sumi,
mna le sisam nu,
a kra tia pra ku ku.
2 Fuŋga pe sisam yire naa nɛɛi
na yaa,
praa swafiŋge teeri,
na sɛɛnlɛ pini mbe yi nyu,
yi krɛrɛ lewo jawala,
na u kɛ nyu tnumu yi.
Praa leele teeri na sra woni,
na yire sɛɛnlɛ yire kaan,
hali mbe sɛ nyu kan yi na
mbra yi shiun.
3 Yire kee nyjɛ ndra na,
ee fun
na bnimi nyu sugbeŋge yi,
mbe pe na mɛŋɛ ŋga ki woni
bnimi nyu na yi,
na ndram saan
mbe pe ki cha mbe la.
Pan pie pe na yua fue
nyjɛ pe foo shunshun na,
mbe fuflɛ yi wru mbe sɛ yi,
mbe pe na wre ŋga ki yilii,
kanhun gbɛɛri ndoo na shie yi.
4 O Tafun Nyiɛkpɔɔ yo mbo,
“Nyjila ŋga ni e naa wa
Egypt tra nu kuraa kre,
na mi wi e Tafun Nyiɛkpɔɔ wre.
E n wa Nyiɛkpɔɔ wa ni na,
na mi bɔkɔ.
Mi chiin wi e ŋmaashɔfun.
5 Ŋga e naa wa tablɔ tra,
ŋga nu wrɛŋgɛ na nyi titi
kre nu kre,
na ni yiɛ wa e na.
6 La, ŋga e na le tra taan
kre nu mu kɔ,
mna sro ta mu li mu yɔɔ kre,
a e na eyɛ kpɔɔ mna ni fɛɛ.
7 Ki tia mbe pan e na na jira wi.
Mbe pe na kajinyurɔ wi,
mbe ja kolo mbɛɛ na
mbra e siri.
8 Mbe pan e na,
mbe e tini mbe wla,
na sisire ŋmba biile pe gbo wi.
Mbe pan e na na jira wi,
mbe e kaara knumu bujibuji.
Mbe e wla mbe wo,
na nyaalam yurɔ
wa nyini kaara ta.
9 Israel leele mbe e kla,
ŋgi na hin?
Mi wi e yafun,
a e yiri mu ni taan.
10 Sena e ŋunu, na e loplombo,
mblɛ e na yo
e chaa pre nyi hin?
Mbe pe paan e shɔ.
11 Ŋga e na ni wie ŋunu kre,
ni krɔ na kun na e ni
a ndaa e ŋga ŋunu,
a ŋga ni krɔ na kɔ mu kun
mu tro kre,
a ndaa u wru.
12 Israel leele, e sisam nyunɔ mu tɛɛ,
a e pimi li fuŋga ma.
13 Israel leele, pan e nyi
na pɔ jijuo wi,
pɔ ŋmba se nyjila ki da,
a u n na chaa mbe yili u lo lɛɛ.
14 Pre leele mblɛ, mba pe shɔ
mbe yili kuulo ndoo,
ndee mbe pe wɔ
mbe yili faŋga nu.
Mbe kuulo ndoo, na kumu yeeri,
mbe yi paan le pe nu,
na yira ki le pe nu,
a mba pe fooro le.
15 Hali imi na Israel leele
we peyɛ ta mbe da kpan,
mbe ti mbe fuflɛ wrɛŋgɛ,
ŋga ki yiri yila finhaa
tablɔ tra kre nu,
gbun mbe pe bloe,
na pe kɔlɔe yua.
Pe keshiɛn yirɛ kro,
leele we yi koli mbe sɛ.
16 Samaria kakpɔɔ leele
we ndie tiniɛ ta,
ŋga pe yiri mu ni taan
kre ndra na.
Ki leele we to ŋunɔ,
pie pe bifimble viŋge
mbe wa tra,
a pie pe siirefɛɛnlɛ lɛɛ yɔɔlɛ,
mbe pe biile wɔɔ wa fimi na.”