Jerusalem Pe Tre Kaan Waara
15
O Tafun Nyiɛkpɔɔ na paara ni pan mbo, 2 “Ezekiel, lewo pɔ, kolo ŋgi na tre kaan prɔ klɔ tiŋge na hin? 3 Na pe tre kaan kun, pia jaa yaka pe na ki ni mbe ki nyu, pia jaa ki kan mbe yira hlu ki na kple. 4 Ŋga kie jaa pe kro yi na pie ki tɛɛ mbe kanhun gbɛɛri, la, na ki waa shɔ mu wɔ, kia jaa yaka pe na. 5 Kena, nyjila ŋga ni pe n ta mu ki le kanhun kre, na kia jaa yaka pe kre, kena na pe waa ki le kanhun a ki shɔ mu wɔ, kre kie jaa yaka pe ra?”6 Kena kee ŋga o Tafun Nyiɛkpɔɔ Jaŋgafu wre yuu yi kre mbo, “Imi na pe tre kaan kuun nyaa mbe sɛ kanhun gbɛɛri na ki ni mbe ki shɔ kre, pan mbe Jerusalem leele pe. 7 Mbe nyini sisaa kna pe na, kanyana ŋga nu pe plɛ yili kre, pan ki nyi na kanhun nu pe yili, a nde kanhun we pe shɔ na. Na ni waa nyini sisaa kna pe na kre, kre ŋu Ezekiel we chin na mi wi e Tafun Nyiɛkpɔɔ wre. 8 Mbe ti mbe tra kre sni waara, ŋgi na hin? Pe n kpra li na ni ni. Mi pe Tafun Nyiɛkpɔɔ wre ni ki yo.”