Nyiɛkpɔɔ Baruch Le Gbun
45
Ŋga Judah ŋunu Josiah biblɔ Jehoiakim na Judah jɔɔn li, ki yɛlɛ jijirɛ wo na, kre Nyiɛkpɔɔ keenyanyofun Jeremiah na tia Neriah biblɔ Baruch na u nyu kee shɔ mu nyunɔ yurɔ hlɛ na mu tɛɛ. 2 Ŋga wra kee yire nyunɔ mu kɔ kre, a Jeremiah na yo u pan mbo, “O Tafun Israel Nyiɛkpɔɔ wre yo ŋu Baruch pan na, 3 mu taanri mi Nyiɛkpɔɔ na na yuu na, mu kala nyaa, na mi Nyiɛkpɔɔ ndru mu ka ya mu fooro, na mu kanyana na, a sra wɔ mu na, mna jiin, hali ma jaa wuu.”4 A o Tafun Nyiɛkpɔɔ wre na kna mbo, “Yo u pan na, waŋgrɛ nyjɛ yii wa tra ŋga nu, a pe leele ni je kre kro, mbe yi kla. 5 Kena mu jawa na mu yira chichie ka ta ra? Maashia yiɛ taa yaka na. Ŋgi na hin? Kanyana kpɔɔ ni ni paan leele kro na. La, lawee ŋga nu mu sɛ kpan, mbe mu shɔ mbe mu ŋmaa ta. Pan mi mu Tafun Nyiɛkpɔɔ wre yo.”