Yɛlɛ ŋga na Assyria ŋunu ŋmba praa yeeri Sargon wre, na tia u ŋunɔwifɛɛnlɛ lopom titi na sɛ wi na Philistine leele kakpɔɔ Ashdod kre ni mna ki shɔ kre, 2 na O Tafun Nyiɛkpɔɔ klu mu tia Amoz biblɔ Isaiah wre u yirɛ kro wɔ uyɛ na, yire na u kpawrɛ ni kro, mnaa tro ma wejiwaara, na jewaara ma yɛlɛ taarɛ. 3 A O Tafun Nyiɛkpɔɔ na yo mbo, “Imi na ni sumifun Isaiah tro wejiwaara, mu nyaari jewaara yɛlɛ taarɛ kre, ki pe sɛmbɛɛrɛ kee na nyina kee sisaa ŋga kie Egypt, na Cush leele da. 4 Pan Assyria ŋunu we Egypt leele yii mbe sɛ wejiwaara, na jewaara, pre na Ethiopia leele kro, pe yirifumblɔ, na pe blɛlɛɛlɛ we nyaari nɔɔ waara, mbe ki ti nyifɛɛrɛ Egypt leele gbo. 5 Mblɛ praa kaan Ethiopia leele na, mnaa pe yɛ kpɔɔri Egypt na kre, fiɛrɛ we pe yii, mbe nyifɛɛrɛ pe gbo. 6 Na kre nyjila kre waa da, leele mblɛ pee wa Philistine epo kre nyu na pre we yo mbo, ‘E le, kala sisaa leele mblɛ na o oyɛ wru mu taa pre da, pre pan o yo mbe pe o shɔ Assyria ŋunu wre kɛɛ, kena mni oo pe mbe shɔ hin?’”