Mboo Ŋga Mɛɛ
12
Nyjila kaa wa na paan mbe leele na mɛɛ koni mbo,“Ni mu kaan mboo,
ni Tafun Nyiɛkpɔɔ.
Mu krɔ na kun na ni ni,
la, fuŋga rɛ, mu ni bre,
a ki tia mu krɔ n kun,
na ni ni na.
2 Nyiɛkpɔɔ wi ni ŋmaashɔfun.
Wre na mbe dankna,
a mba ti mbe fiɛrɛ ni yii.
O Tafun Nyiɛkpɔɔ wre,
u ni kaan jaŋga,
na mɛɛ ŋga mbe kɔ,
a wre wi ni ŋmaashɔfun.”
3 Imi nyumu gbɔɔ ndro taa,
na u nyumu ta mu gbɔ,
mbe u yiɛshɔ kre,
pan Nyiɛkpɔɔ leele mblɛ,
ŋmaa u shio pre yiɛ shio.
4 Nyjila kaa wa na paan,
mbe leele na mɛɛ koni mbo,
“E ti o o Tafun Nyiɛkpɔɔ,
wre ŋga mboo.
E u yeeri mbe u ya e na.
E kee ŋga u pe yo,
waŋgrɛ yire kro pan.
E yo pe pan na,
u mɛɛ kpɔɔ mu tro.
5 E mɛɛ kɔ,
e o Tafun Nyiɛkpɔɔ wre ŋga,
kekpɔɛ nyjɛ u pe yire na.
E ti mbe waŋgra kro,
kre kee ŋga loo.
6 E ti mbe mblɛ pee wa,
Zion na kro,
mɛɛ kɔ badaaŋga,
mbe yo na Israel Nyiɛkpɔɔ,
ŋmba u pe cheche wre kpɔɔ,
a uu wa mu tni u leele nu.”