2 Nyjila kaa wa na paan, o Tafun Nyiɛkpɔɔ we ti mbe yira kro bɔ u tra kre nu, mbe yɛnyiŋge ta na, a Israel leele mblɛ pie kro tra kre nu pre we pe yɛ kpɔɔ yirɛ nyjɛ yi yili tra kre nu yire ni. 3 Leele mblɛ Nyiɛkpɔɔ wɔ mbe ti mbe pe kro Jerusalem na pre, pie pe yeeri leele mblɛ pe pe cheche. 4 Na o Tafun Nyiɛkpɔɔ waa Zion chiɛlɛ nɛɛrɛ je mu laa pe na, we u kprakuɔn ŋumu, na u kanhun ŋumu tɛɛ mbe nyimi nyjɛ yi ndri Jerusalem na yire pɔ mbe laa. 5 O Tafun Nyiɛkpɔɔ we kakpɔɔ kre, na lawee nyjɛ nu pe fni yire tɔ na tlo kpɔɔ ni nyisee kro nu, na ble wɔ mbe tlo kre na nyini na kanhun yi. Nyiɛkpɔɔ wre titi yɛnyiŋge we kakpɔɔ kre juule poŋgo. 6 U yɛnyiŋge kre we kakpɔɔ kre juule mbe yila wrɛŋgɛ wa ki sro, a na nyiɛ kpɔɔ paan kia ki ta mbe gbun.