Nɔɔlɔ Pre
6
Bichrɔ nyɔɔ,sena mu nyanyjɔ wre sɛ hin?
O nyina kolo ŋga u yii,
mbe o u haa cha mbe mu ŋga.
2 Ni nyanyjɔ wre sɛ u kagbla ŋga
nu u tuwe ndiom tɛɛn luu
kre nu.
Bawa u sɛ na u yurɛ ni kahaa,
mu sɛ na totoe knumu.
3 Ni nyanyjɔ wre wo wi mi,
na ni wo wi.
Lɔɔchiatotoe lawee,
bawa u shie na u yurɛ ni
pra kaa.
Blɔ Wre
4 Ni bichrɔ, mu nyu,
pan mu nyi na Jerusalem,
na Tirzah chiɛ yire yi.
Mu nyu titi,
pan mu nyi na ŋunɔwifɛɛnlɛ
fraŋgaa yii mu tɛni na shie.
5 Maa mu nyiɛlɛ yire kan ni na ma,
yi ni yii titi.
Mu ndra nyjure yoo
na shie na paan,
mu yo sikaala tataara,
pe yiri Gilead nyua na mu na tri.
6 Mu ŋgaala fniŋge mu nyuu,
na mbaala mblɛ pe weli,
a pe mbra shiin shiin na paan,
hali wa wa laa u ŋmbrɔ na.
7 A mu gbenyi pe loŋgiloŋgi
na pomegranate sɛŋgɛ yi,
na nyaa mu sata nu.
8 Na ni ŋuchiɛlɛ da fuloe taarɛ,
a ni bichilɛ da fuloe jijirɛ,
a nii bichabɛɛlɛ
mblɛ pe n bilɛ chin
ni tataara kuraa kre,
9 mu yili muyɛ,
ŋu wi ni katoo kotro,
a ŋu wi ni yira kro.
Ŋu nunu wi mu lo bichlɔ,
a ŋu wi u gbun pɔ.
Na chiɛlɛ kro mu nya,
mbe pra dwan mbra mu kaan.
Ŋulo chiɛlɛ na pe bichilɛ kro
mu kaan mɛɛ.
10 Ndro ŋmbi u chiɛnri wa na paan,
na nyiŋge ki paan mbe se ŋga hin?
U nyu na yeŋge yi,
mu na nyaa chasi na yila yi.
Na chiɛnri na wɔɛlɛɛ yi.
Blɔ Wre
11 Ndaa sɛ le tinyi li wee yɛ nu,
na le na aada mbe tinyi bɛɛlɛ
fɔnyi nya na yi yiri landɛɛ kre nu,
ndaa chaa mbe nya
na tre tinyi ndra jiri mbe sɛ,
ndee na mbe tinyi nya
na yi toto pini.
12 Ŋga nya na nii wa mu yire,
ni wolo lebiile sookɛɛ lalaa.
Nɔɔlɔ Pre
13 Ŋga mbe loo na pe yuu ni pan
mbo,
“Ndru mu pan,
jande ndru mu pan,
Shulammite bichable,
ndru mu pan, mu yɔ,
mbe o mu yɔɔrɔ le.”
Chlɔ Wre
Mni a e na mi,
Shulammite bichable chaa,
mbe ni yire lenɛɛmu lalaa,
mbe yɔ mbe e le hin?