Nyiɛkpɔɔ Mboo Ŋgaa
148
E o Tafun Nyiɛkpɔɔ wre ŋga mɛɛ.Yire mblɛ ee wa nyjeeri kre,
e o Tafun Nyiɛkpɔɔ ŋga mɛɛ.
2 Nyjeeri bitumblɔ pre kro,
e u ŋga mɛɛ,
yira ŋga kii wa nyjeeri kro,
e u ŋga mɛɛ.
3 Yila, na nyiɛpɔ, na wɔɛlɛɛ
nyjɛ yi chiɛnri kro, e u ŋga mɛɛ.
4 Yirɛ nyjɛ yii wa
nyjeeri nyjeeri wa kro,
na nyumu ŋga kii wa nyiɛ na kro,
e u ŋga mɛɛ.
5 E ti mbe yi kro o Tafun
Nyiɛkpɔɔ wre ŋga mɛɛ.
Ŋgi na hin? Wre wra paara,
mna yi wa kro,
6 mu yi tɛɛ tɛɛ yi tnihaa,
a yii wa wa nyjila kro nu,
a u mbra le yi pan,
a ka wa jaa kɔ ki na.
7 E yire tra e Nyiɛkpɔɔ wre ŋga mɛɛ.
Wɔɔ kpɔɔ ŋmba epo nu wre,
na yurɛ nyininyini
mblɛ pee wa ki latɛɛ nu kro
e u ŋga mɛɛ,
8 nyiɛtwanraa, na nyiɛsubie,
na sugbeŋge, na tloe, na fuflɛ kpɔɔ
ŋga ki u nyu kee ndru,
9 nyuɛ, na kotum kro,
tinyi li wee, na tinyi kpɔɛ kro,
10 nyaalam yurɛ, na katoo yurɛ,
na yurɛ mblɛ pe fulo tra kro,
na kuɛn yurɛ,
11 tra ŋga ŋulo, na waŋgra
ŋga leele kro,
mɛɛfɛɛnlɛ, na jaŋgafɛɛnlɛ kro,
12 nyanyjɛbɛɛlɛ na bichabɛɛlɛ,
loplombo na biile,
13 e kro kro e o Tafun Nyiɛkpɔɔ
wre ŋga mɛɛ. Ŋgi na hin?
Wre chiin mɛɛ ki kpɔɔ,
a u yɛnyiŋge kpɔɔ mu wɛ
nyjeeri na tra na.
14 U u leele ŋga faŋga
mbe pe jaa u ŋga mɛɛ,
u wolo Israel leele mblɛ kee
kii wa u gbun na pre,
e o Tafun Nyiɛkpɔɔ
wre ŋga mɛɛ.