Ni Nyiɛtali Mbe Nyiɛkpɔɔ Ya Ni Na
142
Ni kosie kan mu nyɛni kpɔɔ,mu o Tafun Nyiɛkpɔɔ wre yeeri,
2 ni ni fooro kee,
ŋga kii wa ni nu kro yo u pan.
3 Na ni pra kuraa kre,
ŋu mu chin ŋga mbe pe.
Ni loŋgoolo pɛɛlɛɛ ndra mu le,
kolo ŋga na ni troi na.
4 Ni kna mu le ni kalie,
ni n yafun nya,
a fɛntrohaa n wa ni pan,
a ndro kee ka ma na ni ŋmaa ni.
5 O Tafun Nyiɛkpɔɔ,
ni nyɛni mu mu yeeri,
ŋu mu kɛ toni ni na,
ŋga nii wa ŋmaa ni ŋga,
ŋu wi ni yira kro.
6 Jande, ndie tɛɛ ni pan.
Ŋgi na hin? Ni kala nyaa.
Ni shɔ mblɛ pe ni chaa pre kɛɛ.
Ŋgi na hin? Pe faŋga wɛ ni na.
7 Jande ni shɔ, na mu ni shɔ,
mbe yire mu leele fnindoo
mbe mu ŋga mɛɛ,
ŋga mu nyu ni na kre ndra na.