Israel Leele Nyɛni Babylon Lɔɛ Jaara
137
Babylon lɔɛ mbɛɛ na,bawa o na da mu tni.
Ŋga o na Zion sɔɔnri kree,
o na nyɛni.
2 Lɔɔ mbɛɛ tinyi nyjɛ
yiraa wa wa yire na
o na o mɛɛ kɔ yirɛ wɔ mu hlu,
3 bawa leele mblɛ pra o yii
na shie pre na yo o pan
na o yɛshɔɔrɔ mɛɛ kɔ
mbe pe loo, mbo “E Zion mɛɛ
yire ka kɔ mbe e o loo.”
4 Mni oo pe mbe jaa o Tafun
Nyiɛkpɔɔ wre mɛɛ kɔ,
tra fɔŋgɔ nu hin?
5 Jerusalem, na ni waa mu fɛɛ,
kena ni kɛ kalie kee,
ŋga ki pini fɛɛ.
6 Na ni n shia mu pe
ni yɛshɔɔrɔ lawee kpɔɔ,
kena mu ti mbe ni ndile
mbra ni nyu lam.
7 O Tafun Nyiɛkpɔɔ, ŋga ble leele
naa Jerusalem ja ble kre sɔɔnri,
imi Edom leele naa paara
na yuu mbo, “E ki juari peii,
e sɛ su ki nɔɔ na,”
8 Yire Babylon leele,
e wo ki kɔ kre, pie e kla,
kee ŋga e pe o na ŋga,
Nyiɛkpɔɔ we ndro ŋmba
we e kla wre dwan,
9 a ŋmba we e biile fiɛnfiɛn yii,
mbe pe frɔ dnɛ na mbe gbo
kre wo yi dwamu.