Mboo Ŋgaa Mɛɛ
136
E o Tafun Nyiɛkpɔɔ wre ŋga mboo.Ŋgi na hin? U nyu o na,
a u koroo wa nyjila kro nu.
2 E Nyiɛkpɔɔ ŋmba u kpɔɔ,
mu wɛ sɛɛnlɛ na wre ŋga mboo.
Ŋgi na hin?
U koroo wa nyjila kro nu.
3 E tafɛɛnlɛ kro Tafun
wre ŋga mboo.
Ŋgi na hin?
U koroo wa nyjila kro nu.
4 Wre nunu u jani na kawako kee,
ŋga mu chin ŋga kro pini,
u koroo wa nyjila kro nu.
5 Wre wra u nɔɔloo tɛɛ
mna nyjeeri gbeele,
u koroo wa nyjila kro nu.
6 Wre u tra gbeele,
mu tia ki gede mu wɛ nyumu na,
u koroo wa nyjila kro nu.
7 Wre u yila na nyiɛpɔ wa,
a yi tia lawee na nyaa,
u koroo wa nyjila kro nu.
8 Wre u tia na nyiŋge se,
mbe yila jaŋga ta nyisee na,
u koroo wa nyjila kro nu.
9 Wre u tia nyiɛpɔ na wɔɛlɛɛ
jaŋga ta blee,
u koroo wa nyjila kro nu.
10 Wre wra Egypt bijloe gbo,
u koroo wa nyjila kro nu,
11 mna Israel leele wɔ mu yili pe nu,
u koroo wa nyjila kro nu.
12 Wra jaŋga kpɔɔ tɛɛ
mna pe wɔ wa,
u koroo wa nyjila kro nu.
13 Wre wra epo nyiɛ kre peeri shiin,
u koroo wa nyjila kro nu,
14 mna tia Israel leele
na nyaari mu tro ki lam,
u koroo wa nyjila kro nu.
15 Mna tia kra ŋunu Pharaoh
na u ŋunɔwifɛɛnlɛ li peii,
u koroo wa nyjila kro nu.
16 Wre wra yiɛklu u leele pan
fimi tra nu,
u koroo wa nyjila kro nu.
17 Wre wra ŋulo jaŋgafɛɛnlɛ gbo,
u kroo wa nyjila kro nu.
18 Wra ŋulo mblɛ praa mɛɛ ni gbo,
u koroo wa nyjila kro nu.
19 Wra Amora ŋunu Sihon gbo,
u koroo wa nyjila kro nu,
20 mna Bashan ŋunu Og gbo,
u koroo wa nyjila kro nu,
21 mna pe trɛ wru mu u leele ŋga
na krɔyirɛ yi,
u koroo wa nyjila kro nu,
22 wra u sumifɛɛnlɛ
Israel leele ŋga yi yi krɔyirɛ,
u koroo wa nyjila kro nu.
23 Wre u o sɔɔnri o fooro nyjila nu,
u koroo wa nyjila kro nu,
24 mna o shɔ o loŋgoolo kɛɛ,
u koroo wa nyjila kro nu.
25 Wre u yira ŋga u wa kro
kaan chichie,
u koroo wa nyjila kro nu.
26 E nyjeeri Nyiɛkpɔɔ
wre ŋga mboo,
u koroo wa nyjila kro nu.