Loŋgoolo Nyiɛtalaa
129
Ti mbe Israel paarambe ndro kro loo,
imi na pe loŋgoolo pe fiŋge
mu yire pe bimi.
2 Pe yire ni bimi mu ni fiŋge
imi na ki fna,
a pe n ni ja.
3 Pe ni pnuŋgo gbun mu laala,
na fali pɛlɛ pe tɛɛ
mu tra yiɛ gboori.
4 La, Nyiɛkpɔɔ fraka,
mu ni saanla pe mɛnyi
nyjɛ ni pe ni pɔ yire na.
5 Nyifɛɛrɛ we mblɛ pe
Zion leele pra pre kro gbo,
a pie ndru pe kro.
6 O Tafun Nyiɛkpɔɔ,
ti mbe pe pe na,
nyaa ŋga ki fin nyuŋgo ndra na yi,
kia mu na ki ku.
7 Ki tia nyaa chierifun kee
ka ma na ki ni,
a lawee pɔfun wa kɛ taa ki na.
8 A mblɛ pe tro kre wa yo na,
“Nyiɛkpɔɔ u e dwan,
ndee mbe yo na
o Tafun Nyiɛkpɔɔ wre mɛɛ ni
o dwan na e kaan.”