Kanyana Nyiɛtalaa
130
O Tafun Nyiɛkpɔɔ,ni fooro lie nu
ni nyɛni na mu yeeri,
2 kena ndie tɛɛ ni pan,
mu ni fooro nyɛnɛɛ loo.
3 O Tafun Nyiɛkpɔɔ,
na mu lewo sisam nyunɔi na teeri,
kena ndro ŋmbi we jaa yire
mu yiɛ hin?
4 La, ŋu mu sisam tii na kee,
mbe ki ti lewo mu fiɛ.
5 Ni o Tafun wre le kolo,
ni u shie mu mu,
a ni dankna u nyu kee na.
6 Ni nyiɛ o Tafun Nyiɛkpɔɔ wre sri,
nyibinyiɛ ni mbe u pan,
imi na lawee shiefun yiɛ nyinai,
wra chaa mbe nyiŋge se kre.
7 Israel leele, e dankna
o Tafun Nyiɛkpɔɔ wre na,
ŋgi na hin? Wre uu wa
na koroo kpɔɔ ni,
a wre u lewo shio.
8 Wre Nyiɛkpɔɔ wre titi
we Israel leele shɔ,
mbe yili pe sisam kro nu.