Nyiɛkpɔɔ Fiɛfun Dwamu
128
Lewo ŋmba uo Tafun Nyiɛkpɔɔ wre fiɛ
na tro u kolo na
wre wo yi dwamu.
2 We u fnaa ŋga u fna kre tnu li,
mbe dwamu ta,
mbe u kee kro nyu mbe u ŋga.
3 U chɔ we se mbe u ŋga tataara,
na tiŋge ŋga sɛŋgɛ ki nɛɛi,
a u biile we faŋga ta,
mbe pe na olive tinyi yi,
mbe fɛ mbe u lihaa kun.
4 Lewo ŋmba u Nyiɛkpɔɔ fiɛ kre,
Pan Nyiɛkpɔɔ u dwan.
5 O Tafun Nyiɛkpɔɔ u yire Zion na,
mbe mu dwan
ble nyjɛ mu li kro nu,
mbe mu Jerusalem
nyumu nya na nyini ni,
6 mbe mu ŋmatitnɔmu ta,
mbe mu nanae nya na nyini ni.
Wejinyiŋge ki tni Israel leele nu.