Nyiɛkpɔɔ Nyu
127
Na o Tafun Nyiɛkpɔɔn nyuŋgo kre sin kre,
mblɛ pe ki tnumu tuni
pre we fna finfin.
Na Nyiɛkpɔɔ n chia kre shie,
mblɛ pe ki sri
pre we ki shie finfin.
2 Na mu gbolo mu yiri,
mu tnumu tun chiin
a ndroo pan mu lɛ,
mu nyu sro ŋga mu chaa ndra na,
a mu n na dankna
Nyiɛkpɔɔ na kre,
kie pe finfin. Ŋgi na hin?
Nyiɛkpɔɔ leele mblɛ u kori pre,
na pe sni kuraa kre,
u pe kaan pe nyu sro.
3 Biseere pe yira ŋga
Nyiɛkpɔɔ lewo kee,
mu pe dwamu mu lewo ŋga.
4 Imi na snimi yaa
ŋunɔwifun na kre,
pan biile mblɛ mu se
mu yirifum nyjila we ya mu na.
5 Lewo ŋmba uu wa
na biile ni tataara kre,
we yɛshɔɔrɔ ta.
Na wre na u loŋgoolo fni
kpra kun ndoo kre, pia u ja.