Nyiɛtalaa
126
Ŋga o Tafun Nyiɛkpɔɔna o shɔ loŋgoolo kɛɛ
mna ndru mu pan na o ni
Jerusalem na kre,
kra o pe na ŋunɛ o ŋunu.
2 O na tɛɛ, mna nyu nyaa
mu yɛshɔɔrɔ mɛɛ kɔ.
A leele mblɛ pe nsra Nyiɛkpɔɔ
chin pre naa yuu mbo,
“Nyiɛkpɔɔ kekpɔɛ pe mu pe ŋga.”
3 O Tafun Nyiɛkpɔɔ kekpɔɛ
pe mu o ŋga yɛŋgɛ a o yiɛshɔ.
4 O Tafun, ti mbe o oyɛ ta na,
mbe o pe imi na nyiɛ paan,
mbe nyumu ndruu bɔ lɔɛ
nyjɛ yi yua nu kre.
5 Mblɛ pe yirɛ ndru
na yotunyi ni nyiɛlɛ kre,
pie yɛshɔɔrɔ kpɔɔ tɛɛ mbe yi kun.
6 Mblɛ pe yirɛ luuro tio,
na nyɛni na shie luuhaa kre,
pie sro kun mbe tio mbra
yɛshɔɔrɔ mɛɛ koni mbra paan.