Israel Fɛndrahaa
125
Mblɛ pe danknao Tafun Nyiɛkpɔɔ na kre,
pan pe nyi na Zion nyua kre yi,
ki yire gbiŋmbi,
a yaka wa jaa ki jɔŋgɔ ki titɛɛ fio.
2 Imi na nyuɛ Jerusalem
fɛ mu kun kre,
pan o Tafun Nyiɛkpɔɔ
u leele fɛ mu kun,
mu yire aŋga
mu sɛ su nyjila kro nu.
3 Sisampefɛɛnlɛ wa ŋunumu li,
Nyiɛkpɔɔ leele
mblɛ pe fraka pre na,
mbe pe jaŋga kɔɔ ti
mbe u leele pre ŋga ki n fna pe.
4 O Tafun Nyiɛkpɔɔ,
mblɛ pe fraka pe lolonyi nu,
na chichie pini pre pe chichie.
5 Nyiɛkpɔɔ, na maa
na sisampefɛɛnlɛ ndie tinii,
mu mblɛ pe mu kolo wa
pre ndie tini ka na,
wejinyiŋge ki tni Israel leele nu.