Mboo Ŋgaa
124
E ti mbe Israel leele kpra yo,na kra pe na o Tafun Nyiɛkpɔɔ
wre nsraa wa o kro,
2 nyjila ŋga ni loŋgoolo
na pan mu o tɔ,
3 a pe krɔ na kun na o ni titi kre,
pie na o jɔli
na oo wa na le nyiɛlɛ ni.
4 Kaa lɔɔ o li,
a nyumu o tɔ plimplim,
5 kaa lɔɔ kre o fo mu sɛ.
6 O Tafun Nyiɛkpɔɔ wo yi mɛɛ.
Ŋgi na hin?
Na u n tia pe o ta mu kla.
7 O fɛ mu shɔ na hanyini fɛ mu shɔ
pɛɛlɛɛ pɛɛrifɛɛnlɛ pɛɛlɛɛ nu.
Pe pɛɛlɛɛ yire kro kuari
a o shɔ pe kɛɛ.
8 O Tafun Nyiɛkpɔɔ
wre wi o yafun,
wre wra nyjeeri na tra gbeele.