Egypt Yilee Kee
114
Israel leele pre na yili Egypt na,pra yili fumblɔ mblɛ yolo
pe nsraa ndru pre tra nu.
2 Judae tra na Israel tra na sɛ
pe Nyiɛkpɔɔ cheche ndoo,
na u jaŋga ndoo.
3 Epo na pe nya mna fɛ pe yiɛ,
a Jordan lɔɔ kre na pe nya
mna ndru kro ni,
4 A nyuɛ na kotum naa seeri,
na yeni na mbaala biile yeni.
5 Yira ŋgi kra tia epo, a mna fɛ,
a Jordan lɔɔ na ndru kro ni hin?
6 A nyuɛ na kotum
naa seeri na yeni,
na mbaala biile lɛ hin?
7 Tra seeri Nyiɛkpɔɔ yiɛ,
Jacob Nyiɛkpɔɔ wre,
8 wre u tia nyumu blo
mu yili dnɛ kpɔɔ nu
mu kaari lɔɔ.