Mboo Ŋgaa
113
E o Tafun Nyiɛkpɔɔ wre ŋga mɛɛ,yire mblɛ e pe u sumifɛɛnlɛ pre,
e u ŋga mɛɛ.
2 O Tafun Nyiɛkpɔɔ wre,
e u ŋga mɛɛ mbe yire aŋga
mbe sɛ su nyjila kro nu.
3 Mu yire yila finhaa
mu sɛ su yila tohaa,
o Tafun Nyiɛkpɔɔ wre fna
na mɛɛ ŋgaa ni.
4 E Nyiɛkpɔɔ wre kpɔɔ
waŋgra ŋga kro nu,
u yɛnyiŋge kpɔɔ mu wɛ
nyjeeri na.
5 Ndro ŋmbi uu wa mu da
na o Tafun Nyiɛkpɔɔ wre ni,
a u tnihaa wa nyjeeri,
6 mbe jaa nyjeeri na tra le hin?
7 Wre u foorofun yire bloŋgo nu,
na shianfun woni u kanyana nu.
8 Mbe ti pe paan tni ŋulo biile,
mblɛ pe pe pe leele kre nu.
9 Wre u gbende kaan lawee
mbe u tni,
mbe u ŋga biile mbe u yiɛshɔ.
E o Tafun Nyiɛkpɔɔ wre ŋga mboo.