Nyiɛkpɔɔ Mɛɛ Ŋgaa
111
E o Tafun Nyiɛkpɔɔ wre ŋga mɛɛ,mbe yire Nyiɛkpɔɔ leele
mblɛ pe fraka pre fnimu ndoo,
mbe lɛɛ wɔ mbe u mɛɛ yile.
2 Nyiɛkpɔɔ kekpɔɛ pe,
a mblɛ pan yi nyu pre
yi nɔɔ chaa mbe chin.
3 Kee nyjɛ u pe yire kro,
buuro na yɛnyiŋge wa yi nu,
a u frakaa kree wa nyjila kro nu.
4 Nyiɛkpɔɔ tia o na u kawako kee,
nyjɛ u pe yire sɔɔnri nyjila kro nu.
U pe foorochinfun,
na nyɔɔ o na nyjila kro nu.
5 Mblɛ pe u fiɛ kre,
u tia pra lii na yɔɔ,
a nyjila kro nu.
U u nyu nunu kee kre sɔɔnri.
6 U u leele pre nyina u jaŋga,
mu fumblɔ tra shɔ
mu pe ŋga, a pe tni.
7 Nyjɛ u pe yire kro nyu mu fraka,
kee nyjɛ u yo mu tɛɛ
yire kro pe dankna kee,
8 a yii wa mbe tni
mbe sɛ su nyjila kro nu.
U yi pe kpra ni,
a yi fraka kro.
9 U u leele shɔ mu wa,
mu nyu nunu ŋga kie tni
nyjila kro nu pe, na pe ni,
u mɛɛ kre pe cheche,
a u kee fiɛrɛ ni.
10 O Tafun wre fiɛrɛ yi
kachindɛ nɔɔhle haa,
mblɛ pe taa u mbra na
pre we jawala chichie ta,
Nyiɛkpɔɔ wo yi mɛɛ,
nyjila kro nu.