Srawɔfun Ŋmba U Ŋunumu Li
110
O Tafun Nyiɛkpɔɔ na yoni Tafun pan mbo,
“Tni ni kalie mu sɛ su nyjila ŋga,
mbe ti mu mu jeelee taa
mu loŋgoolo na.”
2 O Tafun Nyiɛkpɔɔ wre
we yire Zion na,
mbe mu ŋunumu lie vala,
a mu ŋunumu li mu loŋgoolo na.
3 A ŋga ble ŋu na mu loŋgoolo
we wi kre, mu leele kro
we paan wi mbe mu ŋga finfin,
mu yirifumblɔ pre we nduu
mu nyua cheche kre na,
mbe pan mu jaara.
Pie nɛɛ imi na bnimi nyu
sugbeŋge woni faŋga ni kre yi.
4 O Tafun Nyiɛkpɔɔ da,
a wa laa ki kro mbo,
“Srawɔfun wi ŋu nyjila kro nu,
imi na Melchizedek nyi kre.”
5 O Tafun Nyiɛkpɔɔ wree wa
mu kalie kɛ.
U krɔkun ble kre,
we ŋulo gbun mbe wa tra.
6 We leele mblɛ pe u chin pre
kala li, mbe ti mbe gboolo tra tɔ,
we waŋgra ŋulo krɛrɛ gbo.
7 Ŋunu we gbɔ kolo mbɛɛ lɔɔ nu,
mbe faŋga ta mbe yiri,
na lewo ŋmba u wi mu yili wi.