David mɛɛ ŋga wra kɔ.
108
Nyiɛkpɔɔ ni yire gbiŋmbi,kena mbe mɛɛ kɔ
mbe mu mɛɛ yile.
Ni nyiɛ, yiri mu mɛɛ kɔ.
2 Ni juru na ni saŋgo, e yiri.
Oo mɛɛ kɔ nyisee nyu na.
3 O Tafun Nyiɛkpɔɔ,
mbe mu ŋga mɛɛ
leele mblɛ pe n mu chin pre nu.
4 Ŋgi na hin? Mu koroo kpɔɔ,
mu vala mu wɛ nyjeeri na,
a mu kpra da nyiɛ na.
5 Nyiɛkpɔɔ, ti mbe pe
mu kpɔɔmu nya nyiɛ yiɛ na,
mu ti mbe pe mu yɛnyiŋge nya tra.
6 Mu jaŋga kre tɛɛ
mu o yii mu o shɔ,
mu leele mblɛ mu kori pre shɔ.
7 Nyiɛkpɔɔ yire u Suminyuŋgo
mu paara mbo,
“Mbe yɛshɔɔrɔ tɛɛ mbe Shechem,
na Succoth tra kre yɔɔlɛ,
mbe ni leele ŋga.
8 Ni wolo lɛ Gilead
na Manasseh leele.
Judae nu ŋulo we na yiri,
mbe Ephraim leele pe
ŋunɔwifɛɛnlɛ.
9 A Moab leele we kosie kan
mbe ni sumi,
mbe Edom leele pe ni tinlɛ,
a mbe wi mbe Philistine ja.”
10 Nyiɛkpɔɔ we sɛ na ni ni
Edom chia, ŋga pe mboo sin
mu fɛ mu kun kre na,
mbe ni sɛ wi na pe ni mbe pe ja.
11 Nyiɛkpɔɔ, kena yɛŋgɛ
mu o je kre ra?
A mu n ya o na, a o sɛ wi.
12 Pan mu ya o na,
mu o shɔ o loŋgoolo kɛɛ,
ŋgi na hin? Lewo wa jaa ya o na.
13 Na Nyiɛkpɔɔ wa o haa,
oo wi mbe yili.
We wi na o loŋgoolo ni o pan.