David mɛɛ ŋga wra kɔ.
103
Ni nyiɛ,o Tafun wre ŋga mɛɛ,
mbe lɛɛ wɔ mbe u mɛɛ yile.
2 Ni nyiɛ, o Tafun wre ŋga mɛɛ,
maa shia kee chichie
nyjɛ u pe yire fɛɛ.
3 Wre u mu sisam kro tii na mu kee,
na mu yirɛ nyjɛ
yii wa mu na kro trai.
4 Wre u mu shio kumu nu,
a u koroo na u dumiɛn na
mu feni na kuun nyjila kro nu.
5 Wre u mu kaan yirɛ chichiele
nyjɛ yi pe mu niŋge yirɛ,
mu tia mnaa faŋga fɔŋgɔ taa
na nyuu wi.
6 O Tafun wre fraka u kaliire nu,
a u mblɛ pe kala nyaa
pre kala lii na pe shio.
7 Wra Moses nyina u kolo kro,
mna tia Israel leele
na kee nyjɛ u pini nya.
8 O Tafun wre u foorochiɛn
na u dumiɛn kpɔɔ,
u krɔ na kun yira,
a u koroo kpɔɔ.
9 Wa kro mbe krɔ yii na o ni,
ndee mbe kro mbra o yiɛ kee
yuu o pan.
10 Wa sisam nyjɛ o pe le
mbe chiin o ndie tini.
11 Imi na nyiɛ na tra lalaa vala
mu da kre,
pan chɔɔ u koroo kpɔɔ
mu mblɛ pe u fiɛ kre ŋga.
12 Imi na yila finhaa na yila tohaa
lalaa le mu da kre,
pan chɔɔ u tia
o sisam haa le na o ni.
13 Imi na biile fooro wa
pe lɛ na kre,
pan chɔɔ mblɛ pe o Tafun wre fiɛ
pre fooroo wa u na.
14 Ŋgi na hin? U chin
yira ŋga ni wra o gbeele,
u sɔɔnri na tra lɛ wre.
15 Pan lewo ble nyjɛ
we li nyi na nyaa yi,
pan yi nyi na toto yi,
16 na fuflɛ gbun mu tro ki na to,
na ki kun mu to,
na mu ki lawee chaa ma ki nya na.
17 La, o Tafun wre koroo wa
mblɛ pe u fiɛ pre na nyjila kro nu,
a u nyu mu pe ŋga nyjila kro nu.
18 A mblɛ pe taa u nyu nunu kee kre
na, mu na lii u mbra na kre,
u koroo kree wa mu pe ŋga.
19 O Tafun wre u ŋujɔɔn tɛɛ nyjeeri,
a u ŋunumu wɛ ŋunumu kro na.
20 Nyjeeri bitumblɔ faŋgafɛɛnlɛ,
na jaŋgafɛɛnlɛ mblɛ e lii
o Tafun wre kee na kre kro,
e u ŋga mɛɛ.
21 Yire u sumifɛɛnlɛ mblɛ e ŋga
ki u yiɛ nyi pini kre kro,
e u ŋga mɛɛ.
22 Yira ŋga Nyiɛkpɔɔ gbeele,
na yira ŋga na
u ŋunumu kɛ da kro,
e u ŋga mɛɛ, ni nyiɛ,
o Tafun wre ŋga mɛɛ.