David mɛɛ ŋga wra kɔ.
101
Mbe mɛɛ kɔ mbe mu koroona mu kpra kre kee yo,
o Tafun, mbe mɛɛ kɔ
mbe mu mɛɛ yile.
2 Mbe yiɛ to mbe ti
mbe ni kepele nyu,
a mbe tni ni katoo
na loloŋgo chichie ni.
Kena nyjila ŋgi nu
mu pan ni jaara hin?
3 Mba yiɛ tɛɛ sisaa pee na,
mblɛ pe n Nyiɛkpɔɔ chin pre,
ni pe kepele fun,
a mba ti mbe pe mbra ni na kuraa.
4 Mi na ndikambla wa mbra,
a mi na pre sisampefɛɛnlɛ mblɛ
wa chaa mbe yaka pe.
5 Lewo ŋmba u ndra na kala fnɛ
na taari u tnifun na kre,
mba mbra u na.
A ŋmba ndɛlɛ ki kpɔɔ u nu
a wra uyɛ kpɔɔri kre,
mbe frɔ ta mbe u ŋga.
6 A mblɛ pe kpra lii
na Nyiɛkpɔɔ kaan tra ŋga na kre,
mbe pe pe ni nɔɔlɔ,
a mbe ti pe paan tni ni jaara.
A ŋmba u kpra lii
a kala ka n wa u na kre,
wre mbe ti u paan ni sumi.
7 Ndro ŋmba u denyjuu lii e nu
wre wa tni ni katoo,
a kafnu wa kolo ta
mbe yire ni yiɛ na.
8 Nyjila kro nu,
mbe mblɛ pe sisaa pini pre kla,
mbe pe kro wɔ o Tafun wre chia
Jerusalem kre na.