Mboo ŋgaa mɛɛ ŋga David na kɔ.
100
Tra ŋga leele kro,e yɛshɔɔrɔ tɛɛ
e o Tafun wre ŋga mɛɛ.
2 E yɛshɔɔrɔ tɛɛ e o Tafun wre sumi,
e pan e yire u yiɛ
e yɛshɔɔrɔ mɛɛ kɔ.
3 E jawa e chin na
o Tafun wre, Nyiɛkpɔɔ wi,
wre u o wa, a u wolo lɛ wre.
U leele lɛ wre,
a u mbaala mblɛ u le lɛ wre.
4 E u ŋga mboo u Suminyuŋgo,
e u ŋga mɛɛ wa.
E u ŋga mboo, e u mɛɛ yile.
5 Ŋgi na hin? O Tafun wre nyu,
a u koroo kree wa nyjila kro nu,
a u kpraliee wa mu sɛ su
nyjila kro nu.