David mɛɛ ŋga wra kɔ.
98
E mɛɛ fɔŋgɔ kɔe o Tafun wre ŋga,
Ŋgi na hin? U kawako kee pe.
U u jaŋga na imi u pe cheche kre tɛɛ
mu wi, mu u leele ŋmaa shɔ.
2 O Tafun wre tia
pe u ŋmaashɔmu chin,
mu tia waŋgra leele pre chin
na u fraka.
3 U u koroo na u kpra kre sɔɔnri
Israel leele nu,
mu tia waŋgra leele kro chin
na u wi mu yili.
4 Tra ŋga leele kro, e yɛshɔɔrɔ tɛɛ
e mɛɛ kɔ e o Tafun wre ŋga.
E yɛshɔɔrɔ mɛɛ kɔ e u mɛɛ yile.
5 E saŋgo tɛɛ e mɛɛ kɔ
e o Tafun wre ŋga.
6 E bnɔɛ kpɔɛ tɛɛ e yɛshɔɔrɔ mɛɛ kɔ
e o Tafun ŋunu wre ŋga.
7 E ti mbe epo, na yirɛ nyjɛ yii wa
ki nu kro, na tra na yirɛ nyjɛ
yii wa ki nu kro mɛɛ kɔ,
mbe o Tafun wre ŋga,
8 E ti mbe nyumu mbapilɛ wa,
mbe yire na nyuɛ chaa
mbe yɛshɔɔrɔ li,
9 E ti mbe yi kro mɛɛ kɔ
o Tafun wre yiɛ. Ŋgi na hin?
U paan mbe kpra kun tra na.
We fraka u kprakuɔn nu,
a we leele kala li chasi.