Nyiɛkpɔɔ Wi Ŋunu Kpɔɔ Wre
96
E mɛɛ fɔŋgɔ kɔe o Tafun wre ŋga,
tra leele kro, e mɛɛ kɔ,
e o Tafun wre ŋga.
2 E mɛɛ kɔ e u mɛɛ yile,
nyiŋge ŋga kie se kpan,
e u ŋmaashɔmu kre kee yo.
3 E u yɛnyiŋge kre kee yo
waŋgra leele pan,
e u kawako kee nyjɛ u pe
yire kee yo leele kro pan.
4 O Tafun Nyiɛkpɔɔ wre kpɔɔ,
a ki fna o u ŋga mɛɛ badaaŋga.
Ki fna mbe o u fiɛ, mbe wɛ sɛɛnlɛ
nyjɛ yii wa tra ŋga na kro.
5 Ŋgi na hin? Sumi yirɛ
nyjɛ yii wa tra na kro, sɛɛnlɛ yi,
la, o Tafun wre wra nyjeeri gbeele.
6 U chiɛnri,
a u yɛnyiŋge kpɔɔ mu tro,
a u o kaan jaŋga, na dumiɛn,
u Suminyuŋgo wa.
7 Waŋgra leele kro,
e o Tafun wre ŋga mɛɛ.
Ŋgi na hin? Uu wa na jaŋga
na yɛnyiŋge ni.
8 E u mɛɛ kre ŋga yɛnyiŋge
ŋga ki fna.
E pan na yirɛ ni
u Suminyuŋgo wa.
9 E kosie kan Nyiɛkpɔɔ
ŋmba u pe cheche wre yiɛ,
tra ŋga leele kro, e na seeri u yiɛ.
10 E ki yo waŋgra leele pre kro pan
na o Tafun wre, ŋunu wi.
A wre u tia waŋgra wa mu yire,
a yaka wa jaa ki jɔŋgɔ,
a we leele kala li kpra ni.
11 Mblɛ pee wa nyjeeri na tra
we yɛshɔɔrɔ ta,
mbe epo na yirɛ nyjɛ
yii wa ki nu kro yiɛshɔ na.
12 Tra na yirɛ nyjɛ yii wa
ki nu kro yiɛ we shɔ.
Hali tinyi nyjɛ yii wa klɔ kro,
we gble mbe yɛshɔɔrɔ li.
13 Na o Tafun Nyiɛkpɔɔ wre waa pan
mbe ŋunumu li tra mna kre,
we fraka na waŋgra leele ni,
mbe pe kala li kpra ni.