Yɛshɔɔrɔ Mɛɛ
95
E pan mbe o yɛshɔɔrɔ mɛɛ kɔmbe o Tafun Nyiɛkpɔɔ wre ŋga,
O lefun, na o ŋmaashɔfun
Nyiɛkpɔɔ wre,
e ti mbe o mɛɛ kɔ mbe gble
mbe u loo.
2 E tio paan yire u yiɛ
mbe u ŋga mboo,
mbe yɛshɔɔrɔ mɛɛ kɔ mbe u ŋga,
3 Ŋgi na hin?
O Tafun Nyiɛkpɔɔ wre kpɔɔ.
Wre wi ŋunu kpɔɔ
ŋmba u wɛ ŋulo kro na.
4 Wre kɛɛ tra ŋga yira
ŋga ki ndra kro nyi,
hali nyuɛ gedenyi na yirɛ
nyjɛ yii wa yi nu kro.
5 Wre wo yi epo. Wre wra ki gbeele,
a u kɛ nyu tnumu yi tra waa ŋga.
6 Kena e pan mbe o kosie kan
o Tafun, na o gbeelefun wre yiɛ
mbe u sumi.
7 Ŋgi na hin? O Nyiɛkpɔɔ wi,
a wre lɛ u leele mblɛ u le.
Wre lɛ u mbaala mblɛ u kaan sro,
ki tia aŋga, na e u mana loo,
8 yaa e lolonyi sheli
imi na e tolɛɛlɛ na pe Meribah,
na Massah tablɔ tra kre nu kre.
9 Nyiɛkpɔɔ yo mbo,
“Bawa e tolɛɛlɛ na ni pe mu le,
mna ni jawala le, nde na pe
kawako kee nyjɛ ni pe yire nya.
10 Yɛlɛ fuloe shiin ni
ni krɔ na kun na pre nyini pre ni,
a ndaa yo na, pe pe leele mblɛ,
pe pe lolonyi laa ni na,
a pe n ni kolo wru.”
11 Ni krɔ na kun na pe ni,
a ndaa da na
mba ti pe le tra kre nu,
wuuhaa ŋga nu ndaa shie
na pe ni kre nu.