Ŋunu Wi Nyiɛkpɔɔ
93
Ŋunu wi o Tafun Nyiɛkpɔɔ,a u yɛnyiŋge u fɛ mu kun
na dodoŋgi u le.
U faŋga kpɔɔ,
a u tia waŋgra yire gbiŋmbi,
a yaka wa jaa ki kɔ ki titɛɛ.
2 Mu ŋunumu jɔɔn ŋga mu lii kree
wa mu yire fafa,
a Ŋu titi wa mu yire fafa.
3 O Tafun, epo nyi mu na mbapilɛ
waa na gble badaaŋga.
4 Nyiɛkpɔɔ, mu faŋga wɛ epo
ŋga ki nyi na mbapilɛ waa kre na,
a muu wa na mu ŋunumu
lii nyjeeri wa.
5 Mu mbra yiree wa nyjila kro nu,
a mu katoo kre fna
mbe pe cheche nyjila kro nu.