Nyiɛkpɔɔ Wi O Lefun
91
Ŋmba u feni na shieo Tafun Nyiɛkpɔɔ wre jaara,
na chaa mbe u kɛ tɔ u na kre,
2 we jaa nyu nyaa mbe yo u pan na,
“Ŋu wi ni lefun,
ŋu mu kɛ toni ni na,
ni Nyiɛkpɔɔ ŋmba na ni dankna
wi ŋu.”
3 Wre we mu shɔ mbe yili
pɛɛlɛɛ pɛɛrifɛɛnlɛ pɛɛlɛɛ nu,
mbe mu shɔ
yira ŋga kie mu gbo kɛɛ.
4 We u kuɛn nyaa mbe mu tɔ,
u kuɛn jaara mu jaa ndra mbe shɔ.
A u kpra lie kre we kɛ tɔ
mu na mbe mu shɔ.
5 Na nyibinyiɛ ka paan
mu pan ndroo kuraa maa ki fiɛ,
a na loŋgoolo mu chaa
sisaa ni lafo na maa ki fiɛ,
6 hali yira sisaa ŋga
ki ndro gbuun blee,
ndee tete kee ŋga kie ndro kla
lafo chrichri na, maa ki fiɛ.
7 Kagbeŋge we too ku mu jaara,
mbe kagbeŋge kɛ too ku mu kalie,
la, yaka wa mu ta fio,
8 nyiɛlɛ chiin ni mu na pe le,
mbe sisampefɛɛnlɛ fɔtɔɔrɔ nya.
9 Na mu o Nyjeeri Nyjeeri
Jaŋgafun Nyiɛkpɔɔ wre pe
mu fɛnkaarifun kre,
10 yaka wa mu ta fio,
a yaka wa jaa da mu katoo.
11 Ŋgi na hin?
U u nyjeeri bitumblɔ tun,
mbe pe paan mu le kolo kro na.
12 Pie kɛnyi tɛɛ mbe mu tɔwi,
mbe mu jele wa gbun dnɛ na.
13 Mu taan mbe tro jirae na wɔɔlɔ na,
jirae mblɛ kee kii fiɛrɛ ni,
na wɔɔlɔ sisaala,
pre nu mu taanla mbe tro,
a yaka wa mu ta.
14 Nyiɛkpɔɔ yo mbo,
“Ŋga u ni kori ŋga, mbe u shɔ,
mbe kɛ tɔ u na,
ŋga u ta mu ni mɛɛ chin ŋga wala.
15 Na u ni yeeri mbe loo u pan,
na uu wa kanyana ka nu kre,
nii wa u jaara,
mbe u shɔ mbe u ŋga yiɛnyiŋge.
16 Mbe u ŋga ŋmatitnɔmu
mbe u yiɛshɔ, mbe u ŋmaa shɔ.”