Korah bibilɛ mɛɛ ŋga pra kɔ.
87
Nyiɛkpɔɔ chia ŋga u pɔ kreewa nyua cheche na.
2 O Tafun wre Jerusalem kori,
mu wɛ Israel leele chiɛ yire kro na.
3 Nyiɛkpɔɔ chia kre,
pe ki yɛnyiŋge kee yuu.
4 Na ni chiɛ nyjɛ leele pe ni chin
yire mɛɛ yeeri kre,
mbe Egypt na Babylon leele
mɛɛ yeeri.
Philistine, na Tyre,
na Ethiopia leele kro,
mbe pe mɛɛ yeeri.
Ŋgi na hin?
Jerusalem na pe kro yiri.
5 Leele we yo na Jerusalem na yire
waŋgrɛ nyjɛ krɛrɛ yiri,
a ki tia Nyiɛkpɔɔ we ki ŋga faŋga.
6 Nyiɛkpɔɔ we leele mɛɛ nyunɔ,
mbe yili waŋgrɛ nu,
mbe pe kro paan pe
Jerusalem leele.
7 Pie mɛɛ kɔ mbe yɔ mbe yo na,
Jerusalem na o dwamu kro yiri.