Asaph mɛɛ ŋga wra kɔ.
82
Nyiɛkpɔɔ yiri mu yireu sumifɛɛnlɛ lalaa,
na ndro kro yiɛ kee yuu u pan
mbo,
2 “E e pimi fɛɛlɛɛ yire e kuun kre ti,
a yaa na sisampefɛɛnlɛ fooro le.
3 E shianfɛɛnlɛ na bijile kala li
e pe ŋga chichie.
Kanyanafɛɛnlɛ na foorofɛɛnlɛ pre,
e pe kala li kpra kolo na.
4 E pe shɔ sisampefɛɛnlɛ kɛɛ.
5 E n yaka chin,
a e n na yaka nɔɔ ndru,
wɔmu nu e nyaari,
a kpra fɛ mu fun e tra nu.”
6 Nyiɛkpɔɔ yo mbo,
“Ni yo na pan e nyi na
mi Nyiɛkpɔɔ wi,
a mi Nyiɛkpɔɔ Jaŋgafun wre
bibilɛ lɛ yire.
7 La, pan ee ku na leweele lɛ
na chɔɔ, imi na ŋunu sni
mbe wa yiri na kre, pan ee pe na.”
8 Nyiɛkpɔɔ, yiri mu tra leele kala li.
Ŋgi na hin? Waŋgra leele
mblɛ kro mu wolo lɛ.