Asaph mɛɛ ŋga wra kɔ.
76
Judae leele Nyiɛkpɔɔ chin,a u mɛɛ kpɔɔ Israel leele nu.
2 Jerusalem na u nyi,
a u tnihaa wa Zion nyua kre na.
3 Bawa wra u loŋgoolo bɛnyi,
na snimi na brɔfiɛnlɛ
nyjɛ ni pe wii kuari,
mna ŋunɔ wifɛɛnlɛ
pre wiyirɛ kro kla.
4 Nyiɛkpɔɔ ŋga mu sɛ wi nyua na,
mu yili na paan kre,
mu yiɛ chiɛnri kpɔɔ.
5 Pe ŋunɔwifɛɛnlɛ gbunfɛɛnlɛ
pre kro to ŋunɔ,
pe ku ku mu sni,
a pia jaa yiri na,
pe faŋga na pe kachindɛ
kro pe waara.
6 Jacob Nyiɛkpɔɔ, mu fooro tia
sookɛɛ na soolo to mu ku ku.
7 Mu kee fiɛrɛ ni, na mu krɔkun
ŋmbi we jaa yire mu yiɛ hin?
8 Nyjeeri mu yire mu kpra kun,
a tra leele fiɛ mu pieri dimm.
9 Ŋgi na hin? Mu pan kpra kun haa,
mbe paan mblɛ pe kala nyaa
tra ŋga nu kre shɔ.
10 Kpra na, mu krɔ ŋga ki kun
na lewo ni kre tia mu mɛɛ ta.
Mu mu krɔkuɔn kre tɛɛ
mu lewo ndie tini.
11 E nyu yo
o Tafun Nyiɛkpɔɔ wre pan,
e li e nyu kee na.
E ti mbe leele mblɛ pe mbra e na
pre kro pan na yirɛ ni,
mbe paan ŋmba kee
kii fiɛrɛ ni wre ŋga.
12 U jaŋgafɛɛnlɛ
mblɛ pe peyɛ kpɔɔri pre tre tra,
a u kee pe ŋulo pan fiɛrɛ ni.