Asaph mɛɛ ŋga wra kɔ.
75
Nyiɛkpɔɔ,o mu kaan mboo tataara,
a o mu kpɔɔrɔm na mu kekpɔɛ
nyjɛ mu pe yire kro kpali
imi na ki fna.
2 Mu yo na,
“Ni nyjila tɛɛ mbe paan kpra kun.
A mbe paan kpra kun
ki kolo na.”
3 Na tra ŋga seeri
na ki leele ni kro kre,
mi Nyiɛkpɔɔ
mbe ti ki yire gbiŋmbi.
4 Mblɛ pe peyɛ kpɔɔri pre,
ni yo pe pan na
pia peyɛ kpɔɔ na.
5 Ni yuu sisampefɛɛnlɛ pan na,
pia jaa peyɛ kpɔɔ na.
6 Kprakuɔn ka n wa
mbe yiri yila finhaa,
ndee yila tohaa ndee nyjeeri haa,
ndee mbe yiri tapan haa
mbe pan.
7 Nyiɛkpɔɔ chiin wi kpra kunfun,
wre u wa trei tra,
na wa yire nyjeeri.
8 O Tafun Nyiɛkpɔɔ wre kɛɛ
gbɔyira ka nyi,
a u u krɔkuɔn simi kna
mu le ki nu a ki nyi.
We ki kna mbe wo,
mbe sisampefɛɛnlɛ pre
ki gbɔ peii.
Pie ki gbɔ hali fiɛn kuraa
wa kro ki nu.
9 La, mi rɛ, mba Jacob
Nyiɛkpɔɔ wre kee yoo ti,
mbe o tolɛɛ Jacob
Nyiɛkpɔɔ wre mɛɛ yire nyjeeri.
10 We sisampefɛɛnlɛ jaŋga gbo,
la, mblɛ pe fraka pre
we jaŋga ta kpɔɔ.