Mɛɛ ŋga David na kɔ.
70
Nyiɛkpɔɔ, pe nyaanyaamu pan mu ni shɔ,
o Tafun Nyiɛkpɔɔ, pe nyaanyaa
mu pan mu ya ni na.
2 Ti mbe mblɛ pe ni chaa mbe gbo
pre pra, mbe pe jawala fun.
Mblɛ yiɛ ki shɔ ni kanyana na,
na ni pini na tɛɛ kre,
ti mbe nyifɛɛrɛ pe kro gbo.
3 Ti mbe mblɛ pe ni pali
na nyina pre,
yiɛ je na pe wi mu to.
4 La, mblɛ pe mu haa chaa pre,
ti mbe pe yɛshɔɔrɔ kpɔɔ ta.
5 Nyiɛkpɔɔ, mi rɛ,
foorofun wi mi, a ni shian,
kena ni kee pe nyaanyaa
mu ni ŋga.
Ŋu wi ni yafun na ni shɔfun.
Kena jande, maa shia mu,
pan mu ya ni na nyaanyaa.